السيسي للمؤسسات الدولية: "أعباء القروض مرتفعة.. خلونا نعيش الغلابة"
السيسي للمؤسسات الدولية: "أعباء القروض مرتفعة.. خلونا نعيش الغلابة"
قال الرئيس عبد الفتاح السيسي إنه تحدث مع المؤسسات الدولية خلال فعاليات منتدى الشباب حول الائتمان منخفض التكلفة للدول الأفريقية، متابعا: "المخاطر اللى موجودة في أفريقيا كثيرة وبالتالى المؤسسات الدولية والبنوك اللى بتدى قروض بتكون مخاطر الائتمان عالية.. الغنى يقدر ياخد منخفض التكلفة.. والعدمان مش قادر ياخد إلا بتكاليف عالية.. عمرنا كده ما هنخرج من الفقر.. بقت معادلة صعبة.. ياخد فلوس بكتير تكلفنى كتير وأعباء كتير.. وافضل مش قادر".
وأضاف الرئيس السيسي، خلال كلمته في جلسة "تجارب تنموية في مواجهة الفقر"، ضمن فعاليات منتدى شباب العالم: "الشعوب مش مستحملة ده ومن حقها أنها تحلم.. وتبدأ تؤثر ويبقى فيه حالة عدم استقرار وفيه خراب وتدمير للدول.. ويطلع الإرهاب.. وتبقى فيه هجرة غير شرعية والناس عاوزه تسيب بلادها وتروح على البلاد الغنية علشان تعيش.. خلونا نعيش الغلابة.. شكرا جزيلا".
وشهد الرئيس عبد الفتاح السيسى افتتاح فعاليات النسخة الرابعة من منتدى شباب العالم، أول أمس الاثنين بمدينة شرم الشيخ، بمشاركة عدد كبير من الشباب وأصحاب الرؤى والمبادرات من مختلف دول العالم.
