إسعاد يونس تشارك فى معرض الكتاب بـ«لسه الحياة ممكنة»
إسعاد يونس تشارك فى معرض الكتاب بـ«لسه الحياة ممكنة»
تشارك الفنانة إسعاد يونس في الدورة الجديدة من معرض الكتاب الدولي بأحدث إصدارتها «لسه الحياة ممكنة.. أيوه ممكنة»، عن نهضة مصر، والمقرر انطلاقه يوم 26 يناير الجاري.
والكتاب يتناول بعضًا من حياة الكاتبة "إسعاد يونس" عبر سرد مواقف وحكايات مرت بها، حيث تصف الكتاب كما جاء فى كلمتها عبر الغلاف قائلة: "اللى بين إيديكم بعض من أيامى وأفكارى، حكاياتى مع ناس طيبة وحلوة وغالية مرت فى عمرى، مواقفى مع الأيام اللى تضحك وساعات تحزن وساعات تخليك تفكر وتسرح فى اللى ورا المعانى.. أيوه ما هى الكتابة طول عمرها كانت رفيقة رحلتى فى الحياة.. عبرت بيها عن اللى مر بيا واللى مر عليا.. اللى بين إيديكم.. مش تنظير ولا فلسفة ولا أى حاجة من المعانى المجعلصة دى.. دى تجربة إنسانة فى التعبير عن مشاعرها يمكن تنفع حد أو تضحك حد أو تخلى حد يفكر فى حاجة أحلى ينفع بيها الدنيا ونفسه.. أيوه أصل إحنا كلنا شبه بعض أوى مهما اختلفت التفاصيل وملامح الحاجات ونتايجها.. كلنا بشر بنخاف ونحب وننبهر بالقدوة ونتوتر من التغيير والجديد فى حياتنا وننقهر من الغدر والندالة.. وعشان كده اسمع منى وخدها حكمة من إسعاد بنت يونس: مهما حصل فى الكون، ومهما عدى عليك افتكر كويس إن الحياة لسة ممكنة.. أيوه ممكنة".
وأعلنت وزيرة الثقافة، إيناس عبدالدايم، تفاصيل الدورة 53 من معرض القاهرة الدولي للكتاب، التي يفتتحها الدكتور مصطفى مدبولي رئيس مجلس الوزراء، وتأتي تحت شعار: «هوية مصر.. الثقافة وسؤال المستقبل»، وتُقام في الفترة من 26 يناير حتى 7 فبراير المقبل، بمركز مصر للمؤتمرات والمعارض الدولية، وتحل عليها دولة اليونان ضيف شرف، واختارت الكاتب يحيى حقّي شخصية المعرض، والكاتب عبدالتّواب يوسف شخصية معرض كتاب الأطفال، وذلك بحضور الدكتور هيثم الحاج رئيس الهيئة المصرية العامة للكتاب، ونيقولاوس جاريليديس سفير اليونان بالقاهرة، ومحمد رشاد رئيس اتحاد الناشرين العرب، وممثلي الشركة المتحدة للطباعة والنشر والخدمات الرقمية المنفذة للمنصة الرقمية الخاصة بالمعرض، وأعضاء لجنته العليا.
