أحمد موسى يهاجم المدافعين عن المتهمين في قضية شقة الزمالك
أحمد موسى يهاجم المدافعين عن المتهمين في قضية شقة الزمالك
أكد الإعلامي أحمد موسى؛ أن هناك عدة قضايا متورط فيها المسؤولين عن شقة الزمالك والتي ضبط فيها عدد كبير من الأثار من مختلف العصور.
وقال موسى خلال برنامج "على مسؤوليتي" المذاع على قناة "صدى البلد": "بيان النيابة العامة عن القضية بيأكد حقائق قلتها عن القضية مبكرا وزي ما بقول كدة دائما بنحب نقول للمشاهدين الخبر والمعلومة".
وأضاف: "اللي قلناه من شهور النهاردة بالدليل القاطع؛ طلعت اتكلمت في أرقام وعصور ومكناش بنختلق وقائع ضد أي حد لأنه ملناش مصلحة ضد أي شخص على الإطلاق".
وتابع: "بعض المواقع أخذت موقف منحاز في القضية لا علاقة له بالحقيقة ولازم بعض الناس اللي كتبوا كلام غير دقيق لازم يراجعوا الكلام اللي كتبوه في الوقت دة اللي كان كله دفاع عن الاتنين المتهمين واللي النهاردة تم إحالتهم للجنايات".
وأكمل: "القطع الأثرية النيابة العامة والمستشار حمادة الصاوي أمر بنقلها لمقر النيابة العامة في مكتب النائب العام بالتجمع؛ أتعمل قاعة واللجان راحت وشافوا كل القطع".
واختتم: "الدكتور مصطفى وزيري شرح للنائب العام كل قطعة مضبوطة وعمل توثيق ومعالي النائب العام قال اللي احنا بنعمله دة جزء من إجراءات النيابة العامة".
