تامر أمين يكشف تفاصيل محاولة انتحار شقيقة بسنت ضحية الابتزاز الإلكتروني
تامر أمين يكشف تفاصيل محاولة انتحار شقيقة بسنت ضحية الابتزاز الإلكتروني
كشف الإعلامي تامر أمين؛ عن محاولة انتحار شقيقة بسنت خالد فتاة الغربية والتي انتحرت بعد تناول حبة الغلال السامة عقب تعرضها للابتزاز الالكتروني.
وقال أمين خلال برنامج "أخر النهار" المذاع على قناة "النهار": "تعالوا نروح لبسنت بقي اللي هي الواقعة الأولى؛ بسنت البنت اللي انتحرت لأنها متحملتش الابتزاز بالصور وخدت حبة الغلال وماتت".
وأضاف: "مش هتصدقوا لو قولتكلكم اية اللي حصل النهاردة؛ اخت بسنت بتاعة محافظة الغربية النهاردة حاولت الانتحار وعن طريق حبة الغلال كمان والحمد لله مماتتش".
وتابع: "ليه بقي؟ شوفوا الأثر والمد بتاع مشكلة صغيرة يعملها مستهترين؛ هي لسة بتتعرض للسخافات من بعض الناس اللي بيعايروها بقصة اختها؛ انتوا متخيلين احنا وصلنا لايه؟".
وأوضح: "بعد ما الدنيا تخلص يبقي في شوية ناس بدل ما يحنوا ويعطفوا على اسرة بسنت أنتوا بتزودو مصيبتهم؟ الخوض في أعراض البشر كبيرة من الكبائر؛ السوشيال ميديا بتخليها تسالي مش كبائر واحنا قاعدين نغلس على دي ونخوض في عرض دي".
وأكمل: "التسالي والهزار أديكو شوفتوا نهايتهم واحدة ماتت والتانية من ألطاف الله أن احنا لحقناها؛ هتفضلوا تستهينوا بالجرائم على السوشيال ميديا لامتى؟".
واختتم: "بتدورا على اخت البنت وتبتدوا تعايروها بحاجات مكانتش أساسا في اختها؟ القلة اللي بتعمل كدة مش عارف نعمل معاها ايه ومش عارف نردعها ازاي".
