من التصريحات حتى المستشفى.. القصة الكاملة لأزمة مطرب المهرجانات حمو بيكا
من التصريحات حتى المستشفى.. القصة الكاملة لأزمة مطرب المهرجانات حمو بيكا
حالة من الحزن يعيشها مطرب المهرجانات حمو بيكا، وذلك بسبب رفض نقابة المهن الموسيقية اعتماده نتيجة رسوبه في كافة اختبارات الصوت.
وتصدر مطرب المهرجانات حمو بيكا محركات البحث على جوجل، وذلك عقب بكائه على الهواء، ودخوله في نوبة بكاء بسبب ما حدث معه في نقابة المهن الموسيقية.
تصريحات حمو بيكا
قال حمو بيكا مطرب المهرجانات في تصريحاته: "مش داخل امتحانات النقابة تاني، مش عايزها خلاص، وكورسات الصوت مش بتتعمل غير لحمو بيكا، احكموا بالعدل، أنا تعبت، محدش حاسس باللي أنا فيه.. أنا مش عايز حاجة غير إني أكل عيش، في افترا وظلم، أنا صوتي كده، ومش عايز أغني خلاص".
أكمل حمو بيكا تصريحاته قائلا:" أنا مش صوت، أنا داخل بجمهور أنا راجل مؤدي، مش لازم يكون صوتي كروان عشان يدوني الكارنيه، أنا أي دولة عربية بتسمعني، مينفعش، ليا الجمهور دا كلو وحضرتك متصنفنيش".
واستكمل حمو بيكا خلال تصريحاته التلفزيونية التي تصدر بسببها محركات البحث: "أنا ليا جمهوري، أنا أهم حاجة تصنفني، راب أي حاجة بس المهم تصنفني، في الدستور حرية الرأي، ملكش تمنعني أنا مش بعمل حاجة غلط، كل حاجة النقابة بتطلبها بعملها، أعمل إيه تاني، إنت بتقولي أخرج بره مصر، لا أنا مصري، ولازم الامتحانات تمشي بما يرضي الله».
قال حمو بيكا، إنه في خطواته لرفع قضية كبرى على نقابة المهن الموسيقية، وذلك بسبب أنه يدفع للنقابة ١٥ ألف جنيه كرسوم.
وخلال الساعات الماضية نشرت الصفحة الرسمية لمؤدي المهرجانات حمو بيكا عبر موقع التواصل الاجتماعي فيسبوك، صورة له خلال تواجده في المستشفى.
وعلقت الصفحة على صورة حمو بيكا قائلة: ادعو لحمو بيكا يقوم بالسلامة يا جدعان.. وحسبي الله ونعم الوكيل في اللي كان السبب!.
