لميس الحديدي عن حادث طريق جمصة: "العربية الملاكي اتهرست"
لميس الحديدي عن حادث طريق جمصة: "العربية الملاكي اتهرست"
علقت الإعلامية لميس الحديدي؛ على حادث طريق جمصة الدولى والذي أسفر عن وفاة شاب وفتاة وإصابة فتاة أخرى بجروح خطرة.
وقالت الحديدي خلال برنامج "كلمة أخيرة" المذاع على قناة "أون": "احنا في مصر بنوسع الطرق ونغير البنية التحتية عشان الاستثمار وسرعة النقل وحياة الناس؛ الحوادث قلت والوفيات على الطرق قلت بالأرقام".
وأضافت: "أخطاء البشر بقي؛ فلنرى ازاي أخطاء البشر ممكن تتسبب في قتل شباب في ريعان شبابا هباء؛ في علامة استفهام هو عمرهم كدة وقضاء وقدر ولكن الأخطاء دي جرائم الأخطاء دي استهتار ولا يمكن السكوت عليها".
وتابعت: "الفيديو للحادث على طريق جمصة الدولي مؤلم؛ عربية نقل بتحاول تطلع والعربية بتهدي وراه لكن لا النقل اللي وراه ميهديش؛ النقل اللي وراه يفعص العربية الملاكي في النص".
وواصلت: "العربية بتتحرك واللي وراها هدي؛ لكن لا التريلا فاكرة أنها ممكن تعدي؛ العربية الملاكي اتهرست بين التريلا الأولى اللي مش فاهمة طلعت ازاي من نص الطريق والتريلا التانية اللي غالبا العربية مفيهاش فرامل أو الباشا مشافش".
وأكملت: "النتيجة وفاة عمرو كامل 22 سنة اللي كان سايق الملاكي والدكتورة سلمي مهران طبيبة أسنان 24 سنة وإصابة صديقتها ميرنا السقعان بجروح خطيرة".
واختتمت: "شيء مش قادرة أسميه؛ موت الناس بلا سبب؛ وسعنا الطريق ومنفعش عملنا الطريق بدون مطبات ومنفعش؛ الناس بتموت عشان اتنين مستهترين؛ اتنين عايزين الشنق واحد قطع الطريق بشكل متخلف دا طريق سريع مينفعش تمشي فيه كدة".
