«إحنا محدش ينيمنا».. عمرو أديب يعلق على تشغيل أول توربين في سد النهضة
«إحنا محدش ينيمنا».. عمرو أديب يعلق على تشغيل أول توربين في سد النهضة
قال الإعلامي عمرو أديب إن الجانب الإثيوبي «لازال يماطل في قضية سد النهضة، والمفاوضات بالشكل الحالي لن تكون مفيدة على الإطلاق».
وأضاف أديب خلال برنامج «الحكاية» على «إم بي سي مصر»: «امبارح إثيوبيا شغلت أول توربين ليها في سد النهضة، واللي بيتفرجوا على البرنامج على مدى الشهور الماضية قلت لحضراكم الناس دي مكملة وبتعمل السد والتوربينات بتشتغل؛ امبارح اشتغل التوربين».
وأضاف: «امبارح لقيت ناس بتقول ياراجل دة توربين واحد وبتاع، بكرة يبقوا اتنين وتلاته وأربعة وهو كمان السد دة مكانش موجود أصلا».
وتابع: «إحنا محدش ينيمنا، بقالنا 10 سنين صبر والناس دي لا عهد لها ولا مسك لها وزي ما بيقولوا الناس بتوع الفيزياء طول ما بنعمل نفس الشيء وتطلع نفس النتيجة هيفضل يدلك نفس النتيجة».
وواصل: «الإثيوبيين إمبارح عملوا احتفال وقالوا الكلام بتاعهم وفي وسط الكلام يقولك يلا بقي عشان نرجع للمفاوضات وأما تبعتله الوسيط عشان تكمل المفاوضات يقولك مش هنتكلم في دي ودي».
واختتم: «احنا استنزفنا الموضوع دة ولكن يجب أن نبدأ في آلية جديدة بسرعة فكرة أن الناس هتقعد معانا في اتفاق ملزم يحفظ حقوقنا بعيدة».
كانت وزارة الخارجية أصدرت بيانًا، الأحد، عقبت فيه عن إعلان إثيوبيا البدء بشكل أحادي في عملية تشغيل سد النهضة.
وقال بيان الخارجية: «تعقيبًا على الإعلان الإثيوبي اليوم ٢٠ فبراير الجاري عن البدء بشكل أحادي في عملية تشغيل سد النهضة، وذلك بعد سابق الشروع أحاديًا في المرحلتين الأولى والثانية من ملء السد، تؤكد مصر أن هذه الخطوة تُعد إمعاناً من الجانب الإثيوبي في خرق التزاماته بمقتضى اتفاق إعلان المبادئ لسنة ٢٠١٥، الموقع من قِبَل رئيس الوزراء الإثيوبي».
