شهد الرئيس عبد الفتاح السيسي،افتتاح عدد من المشروعات القومية بقطاعي الإسكان والطرق، حيث شهد الرئيس السيسى، افتتاح مشروعات إسكان مصر و”جنة” وإسكان اجتماعى.

وأكد الرئيس عبد الفتاح السيسي، أن هناك ثقافة يجب تغييرها فى التعامل مع البناء، متابعا: “المواطن من غير ما يقصد.. يلاقى حتة أرض جنب بيته يبنى خلاص”.

وأضاف الرئيس السيسي، خلال كلمته في افتتاح مشروعات قومية جديدة: “بقولها لكل المصريين.. وأرجو أنكم تسجلوها كويس وتفكروها فيها كويس.. اللى معاه قرشين.. يروح يبنى أي حاجة.. انا بشوف حجم العمارات وحجم الأشغال اللى فيها.. لو معاك قرشين تعالي في العمارة بتاعتك 5-6 أدوار وأنت مش هتسكن فيها.. لو انت معاك فلوس وحطيتها في البنك ده هيوفر لك عائد مناسب.. انت تبني على أرض زراعية.. أو أرض مش بتاعتك.. اللى تبني عليه مش هيجيب حاجة.. دى ثقافة عندنا.. حتى الريف.. يبنى دور ولا دورين.. ومش محتاجة دلوقتي ويحتاجه كمان 15 سنة من أجل أولاده.. لازم نتجاوز النقطة دي.. مواطنين وشعب.. حجم كبير من المساكن اللى بشوفها على الدائري مش مسكونة.. مفيش شباك راكب”.

وتابع الرئيس السيسي: “حجم التحدي، أكبر من اللى بنفكر فيه، الزملاء اللى بيناقشوا.. لما بنعمل حاجة زي الدائرى الأوسطى شوف بتخدم كام محافظة.. القاهرة الكبرى والمحافظات القريبة منها”.

قال الرئيس عبدالفتاح السيسي، رئيس الجمهورية، تعليقا على المواضيع المثارة حول اشتراطات البناء الجديدة: “لو عاوز أفضى علشان أعمل محورين علشان يبقا متنفس للناس.. تراخيص البناء فيها نقاش كتير وبسمع وبشوف تعليقات الناس .. مش هنزايد على بلدنا ..لا لا .. وإذا كان الأمر نشرح للناس أكثر”.

وأضاف الرئيس السيسي خلال افتتاح عدد من المشروعات في الجيزة: “الكتل دى حول القاهرة .. طيب يا جماعة يبقا فيه صيغة لحل المسألة .. الاشتراطات مش ضد الناس.. في إسكندرية أبراج 17 دور في شارع 6 متر.. بنعمل في برج العرب والعامرية مدن علشان توفر سكن للمحافظة مش هقفل عليك.. مش هنسيب الناس كده”.

أكد الرئيس عبد الفتاح السيسي، أن الدولة المصرية موجودة على شريط ضيق.. ومش موجود في دول كتير”، متابعا: “حجم الحركة عالى اوى.. محدش حلم يجيب كام أتوبيس نيلي جميل محترم ضمن خطط الدولة لتطوير حركة المرور في جميع أرجاء الدولة”.

وكان الرئيس عبدالفتاح السيسي، قد أكد أن وزارة النقل قامت بعمل مشروعات بـ 1.6 تريليون جنيه، فضلا عن الطرق التي تقوم بإنشائها وزارة الإسكان والقوات المسلحة.

جاء ذلك خلال كلمته في افتتاح عدد من المشروعات القومية بقطاعي الإسكان والطرق في نطاق محافظة الجيزة.

لينك

Attachments area