صلاح يكشف عن أهم مباراة في حياته.. ويؤكد: "تيشيرت المنتخب شرف لأي حد"
صلاح يكشف عن أهم مباراة في حياته.. ويؤكد: "تيشيرت المنتخب شرف لأي حد"
أكد محمد صلاح؛ نجم ليفربول الإنجليزي؛ أن شرف لأي لاعب أن يرتدي قميص الفريق الوطني لافتا أنه يشعر بالسعادة حين يتواجد مع المنتخب.
وقال صلاح في مقابلة مع برنامج "صاحبة السعادة" المذاع على قناة "دي أم سي": "شرف لأي حد أنه يلبس تشيرت المنتخب وببقي مبسوط مع اللاعيبة واحنا مع بعض من عشر سنين".
وأضاف: "تقريبا بيبقي أحلي إحساس في الدنيا لما بنكسب ماتش المنتخب وبنحس أننا عملنا حاجة كويسة وبالنسبالي أن نصعد كاس عالم بعد الفترة دي كلها؛ كان أهم ماتش أنا لعبته وكانت الأجواء نفسها الناس حواليك والشعب المصري كله فرحان حاجة متتوصفش".
وتابع: "زوجتي أكتر واحدة بتعاني في ظل الأحداث اللي بمر بيها ومعظم الوقت بكون في النادي وهي واخدة بالها من الأطفال وست بيت من كلة وهي عليها ضغط بشكل مختلف".
وأوضح: "كنا مع بعض في المدرسة وعلاقاتنا مع بعض بدأت واتكلمنا أكتر في الجامعة؛ واتعرفنا على بعض واحنا من نفس البلد وقبل ما أمضى في تشيلسي كنت خلال قررنا أن نتجوز".
واختتم ساخرا: "اتجوزنا ورحت تشيلسي على طول وقلتها أني وشك حلو عليا ولما رحت وملعبتش قلتلها وشك مش حلو عليا".
