عمرو أديب يعلق على طوابير شراء الأيفون: "يا جماعة إحنا في حرب"
عمرو أديب يعلق على طوابير شراء الأيفون: "يا جماعة إحنا في حرب"
علق الإعلامي عمرو أديب؛ على التزاحم أمام فروع إحدى شركات التليفون المحمول لشراء الهواتف بعد طرح أحد العروض الترويجية.
وقال أديب خلال برنامج "الحكاية" المذاع على قناة "أم بي سي مصر": "النهاردة بصراحة استغربت جدا من الطوابير على بعض محلات الموبايل لأن في عروض؛ ياجماعة أحنا في حرب موبايلات أيه؟".
وأضاف: "طوابير غير طبيعية؛ دا أسلوب حرب؟ طبعا أن حر أن شاء الله تشتري 40 موبايل ياراجل دانت داخل على رمضان بلاش حتى الحرب دا حرب اقتصادية لوحده".
وتابع: "اللي معاه كاش ملك خلي فلوسك ليوم غير ذي زرع؛ أي كماليات لا؛ الواد محتاج هدوم؛ البيت محتاج أكل؛ أنما كماليات مش وقتها؛ العالم كله باصص على الاقتصاد والعالم كله شايف المشكلة".
وأكمل: "الانجليز بيبصوا على العروض؛ يروح يشوف البيضة هنا بكام وهناك بكام ويشتري الأرخص؛ غني وكل حاجة وماله؛ مانت لو ضغطت في السوق ورحت اشتريت بالسعر الأحسن دي بقت اقتصاديات سوق أهو".
واختتم: "طول مانت مش هامك وتجيب الأغلى؟ انتوا شايفين الطوابير داحنا لو بنبيع جبنة برميلي؛ داحنا بنتكلم عن سلعة تمنها بيبتدي من 15-18 ألف جنيه يعني الصور دي لو بعتها برة هيقولولك دول لاجئين والا مهجرين؟ هتقولهم لا يافندم دول بيشتروا موبايل".
