تهاني النجاح والمناسبات
تهاني النجاح والمناسبات
هي عادة اجتماعية لها أصول وجدور، لأن التهاني توثيق وتصديق واقرار جماعي بالنجاح، ولأن النجاح بيساعد ع الإستمرار, عكس الفشل اللي بيولد اليأس!
حيلة بسيطة ابتكرها الإنسان المصري القديم, تزود مساحة التفاؤل!
وجود الكلمة فـ حياتنا الحالية بنفس نطقها ومعناها القديم, معناه تواصل الضمير الجمعي والثقافي!
التهاني والتحيات والتبريكات!
تهني جارك لفرحه, أو نجاحه, أو ترقيته .. لخ!
الكلمة شكلها تصريفة, انما الواضح من البحث فـ جدور كلام المصريين, انها مش مجرد تصريفة, دي لوحدها كده: جدر أصلي متصرف وجاهز وتمام التمام!.. “تهاني”
وعشان تتاكد انه جدر مصري أصلي, هتلاقي نفس الجدر بنفس معاني الإحترام والتحيات والتبريكات متكرر, وكمان بحرف تاني (دال) بيقبل بطبيعته التصريف!
اجلال, مبايعة, احترام, مباركة .. لخ, بيوضحها مخصص الراجل اللي فـ النص, اللي بيقدم تحية بنفس الطريقة اللي لسة معانا فـ تحياتنا لبعض, وزاي تحية دخول الصلاة!
حضراتكو مش محتاجين توضيح إن الكسرة او حرف الإي الإنجليزي اللي فـ القاموس بسبب منهج النطق الإصطلاحي اللي سبق واتكلمنا عنه انه من أسباب قطع العلاقة بين كلام المصريين الحاليين وبين جدور كلامهم القديم!
كنا كلنا بنفرح مع أشهر أغنية تهاني للناجحين من عبحليم حافظ: وحياة قلبي وأفراحه!
وبنشوف فرحة اخواتنا وأهالينا واصحابنا بنجاحنا, بس مفيش أجمل ولا أصدق من حضن الأم وفرحتها ببناتها واولادها الناجحين!
ملحوظة: هذا المقال مكتوب باللغة المصرية وليس باللغة العربية.. الكلمات قد تبدو بها أخطاء إملائية مقارنة باللغة العربية، لكنها في الحقيقة صحيحة بحسب القواعد اللغوية للغة المصرية.
