شيرين يحيى «محتاجة وقفة» مع أمير طعية ومحمد يحيى
شيرين يحيى «محتاجة وقفة» مع أمير طعية ومحمد يحيى
تستعد الفنانة شيرين يحيى لطرح أجدد أغنياتها "محتاجة وقفة" غدًا الأربعاء على قناتها الرسمية على يوتيوب في السابعة مساء بالتعاون مع شركة اتصالات مصر وشركة قنوات.
“محتاجة وقفة” من كلمات الشاعر الكبير أمير طعيمة ومن ألحان محمد يحيى وتوزيع أحمد إبراهيم كما شارك في المكس والماستر كريم عبد الوهاب ومن العازفين شريف فهمي للجيتار ومحمد مصطفى للناي و سعيد كمال للكامان والوتريات.
إطلالة شيرين يحيى بجلسة تصوير الأغنية كانت بتوقيع المصور الفوتوغرافي أحمد أشكر وكل من الاستايليست لميس خليل ، والميك أب لروز ألفريد ، ومصفف الشعر بيشو محمد الصغير.
أشرف على جميع التفاصيل المتعلقة بأغنية محتاجة وقفة لشيرين يحيى فريق العلاقات العامة من شركة كوتي إيمدچز بإشراف من أحمد كوتي.
تقول كلمات الأغنية:
محتاجة مع نفسي وقفة أعيد فيها حساباتي.. خلاص مبقتش واقفة معايا علي أي حد
دي سنين مع غيري واقفة وبديهم حياتي.. دلوقتي بتبقي صدفة لو منهم شفت حد
مجروحة لكن شكوتي لو أقولها أتعب
وبداري دمعي بضحكتي ودي حاجة أصعب
مش عايزة حد يشوف دموعي وأصعب عليه
الناس حواليا اختفوا وقت عذابي وشموع أيامي انطفوا من أحبابي
يبقى يا قلبي من الغريب هستني إيييييه
محتاجة مع نفسي وقفة
الوقت عمال يعدي واليوم بيمشي في ثواني والدمعة تجرح خدي ومين بعذابي حس
قررت ابطل سكات مش ناوية افضل مكاني كل اللي جاي في حياتي هعيشه لنفسي بس
مجروحة لكن شكوتي لو أقولها أتعب
وبداري دمعي بضحكتي ودي حاجة أصعب
مش عايزة حد يشوف دموعي واصعب عليه
الناس حواليا اختفوا وقت عذابي وشموع أيامي انطفوا من أحبابي
يبقي يا قلبي من الغريب هستني إيه
محتاجة مع نفسي وقفة.
