إبراهيم عيسى: مصادرة الحكومة للقرار للاقتصادي مفيهاش رفق بالناس
إبراهيم عيسى: مصادرة الحكومة للقرار للاقتصادي مفيهاش رفق بالناس
أكد الإعلامي إبراهيم عيسى؛ أن مواجهة الدولة للأزمة الاقتصادية الحالية لابد وأن تعتمد على شقين وهما الشفافية في كافة المعلومات والمشاركة في اتخاذ القرارات.
وقال عيسى خلال برنامج "حديث القاهرة" المذاع على قناة "القاهرة والناس": "أي حل للأزمة لازم يقوم على حاجتين؛ يقوم على الشفافية أحنا مش حمل أن الدولة تتجمل أو تتكمل؛ ومش حمل أن احنا نقدم لبعض معلومات منقوصة أو تقديرات مبالغ في تشاؤمها أو تفاؤلها لا المشاعر ولا الضغوطات تتحمل الكلام دة".
وأضاف: "المشهد محتاج شفافية شديدة من قبل الحكومة يا جماعة أدي دخلي وأدي مصروفاتي والأمر الثاني المشاركة؛ الطريقة اللي بتقوم بيها الحكومة بمصادرة القرار الاقتصادي طريقة مفيهوش رفق بالناس ازاي؟ زي ما قلت المسألة محتاجة أن الحكومة تتحاور مع الأطراف والحوار ينتج قرارات".
وتابع: "بتكلم عن القرارات التنفيذية اللي الحكومة المفروض بتاخدها؛ نعمل إيه نزود إيه نقلل إيه؛ لازم المواطن يكون حاضر في لجان مشاركة؛ يعني النهاردة اجتماع وزاري وحاضر فيه الأطراف المالية فين القوي السياسية والاقتصادية؛ اتحاد الصناعات الغرف التجارية وجمعية رجال الأعمال".
وواصل: "انتوا هتاخدوا قرارات النهاردة أهو تؤثر على الناس دي؛ أرجو منبصش على رجال الأعمال في مصر على أنهم الخمسة ستة المشهورين في عشرات ألاف المستثمريين".
وأكمل: "النهاردة في اجتماع كان لازم يطلع تقرير واضح الاجتماع دة فيه إيه بالزبط؟ يعني انتهي إلى ايه؟ إلى شائعات في البلد جايز بعضها صحيح أو مش صحيح أحنا مش حمل الإشارة والشفرات ودة بيعمل ريبة وبيكون في أطراف توقعت القرارات بلاش نقول عرفت فتقوم مجهزة نفسها".
واختتم: "سهل جدا الموظفين يجتمعوا ويقولك ظبطناها يا فندم إنما دي حسابات رقمية وإحصائية مش حسابات سياسية؛ في حاجة اسمها علم الاقتصاد السياسي؛ ممكن تاخد قرار اقتصادي قاسي والناس تتقبله؛ وممكن في عز تسخين الاخوان للمصريين ويطلعوا شائعات ويسخن فيه وممكن في وسط دة تطلع قرار اقتصادي يلقى قبول ورضا لأنه معمول بنفس سياسي وفي قرارات تبقى صائبة وغير شعبية لأنها متسوقتش صح".
