ساويرس عن شائعة توزيع الأموال خلال مباراة السنغال: "أنا مش سفيه"
ساويرس عن شائعة توزيع الأموال خلال مباراة السنغال: "أنا مش سفيه"
علق رجل الأعمال نجيب ساويرس؛ على ما تردد عن توزيعه أموال خلال مباراة مر والسنغال التي أقيمت على ملعب ستاد القاهرة الدولي الجمعة الماضية.
وقال ساويرس في مداخلة هاتفية مع برنامج "حضرة المواطن" المذاع على قناة "الحدث اليوم": "كنا بنشجع ويومها كنا واخدين معانا بالونات بتتنفخ وتعمل صدى صوت عالي وكنت واقف في المقصورة ولقيت ناس معهاش وبقيت أوزع عليهم وحتى وزعت على جمهور السنغال عشان نوريهم أخلاقنا".
وأضاف: "حد بيستظرف طلع قال دا بيوزع فلوس فهو أما مزنوق ونفسه في حاجة أنا لا سفيه ولا هعمل حاجة غبية بالشكل دة وفي النهاية الحمد لله أن ربنا نصرنا".
وعن مباراة العودة أمام السنغال قال ساويرس: "احنا محتاجين معجزة عشان نكسب والولاد دول كانوا شرسين جدا وهناك طبعا محتاجين الخطة يكون فيها هجوم وأنا كلمت والدتي وهي عندها صلات قوية فوق قلتلها صليلنا عشان نكسب بكرة".
