غضب بسبب موعد امتحانات «4 ابتدائي».. وأولياء أمور: «إزاي الطفل يستقبل أول يوم رمضان بامتحان وهو صايم»
غضب بسبب موعد امتحانات «4 ابتدائي».. وأولياء أمور: «إزاي الطفل يستقبل أول يوم رمضان بامتحان وهو صايم»
أثار جدول امتحانات الصف الرابع الابتدائى لهذا العام، غضب واستياء أولياء أمور التلاميذ، فقد اعترض الأهالي على بدء الامتحانات 2 أبريل، الذي يوافق أول أيام شهر رمضان المبارك.
من جانبها، قالت ضحى توفيق، ولية أمر تلميذ بالصف الرابع الابتدائي، في تصريحات لـ«المصري اليوم»، إن «مش بقول غير حسبي الله ونعم الوكيل، إزاي طفل يستقبل أول يوم رمضان بامتحان وهو صايم، الكبار أصلًا أول يوم ده بيبقوا تعبانين ما بالك بطفل صغير»، حسب قولها.
وأضافت ولية أمر تلميذ آخر أن «كل أسرة عندها طفل في سنة رابعة.. محرومة من أي تحضيرات لرمضان ولا يشوف تيته ولا خالتو ولا جدو في اجتماعات العائلات اول يوم.. ومفيش إلا المذاكرة إلا هي اصلا هايبقي وضعها صعب.. ويمتحن بعدم تركيز في ظل منهج معتمد ع الحدث والاستنباط والتركيز في التغرات من أساسه«.
بينما ذكرت ولية أمر ثالث أنه «المفروض أن الطفل فرحان بأول يوم سحور ويستنى عشان يصلي الفجر ممكن اعرف ازاي اصلا هيقعد يتسحر والمفروض انه يصحى من الساعه 6 صباحا عشان يروح يمتحن ويوم سبت كمان اللي هو يوم اجازته اصلا».
ووجهت ولية امر أخرى رساله لوزير التربية والتعليم: «أنت معنا في هذه الدنيا وتخاف على مشاعر الأطفال ونفسيتهم وطفولتهم؟ أم انك تقضي عليها بحجة التغيير؟!». حسب قولها.
