«في فنانين منافقين».. إلهام شاهين: «في قعداتنا الخاصة بيتقال كلام بالإعلام كلام تاني»
«في فنانين منافقين».. إلهام شاهين: «في قعداتنا الخاصة بيتقال كلام بالإعلام كلام تاني»
انتقدت إلهام شاهين، بعض الممارسات المتعلقة بالتعبير عن الآراء على منصات التواصل الاجتماعي «سوشيال ميديا»، موضحةً: «مفيش يحاسب حد على دينه، وده الخراب المستعجل اللي جالنا من السوشيال ميديا، كل الناس نصبت نفسها نقاد على كل شيء، كلامنا وأفعالنا، أوصياء علينا، كل واحد يخليه في حاله».
وأضافت شاهين، خلال حوارها مع الإعلامية بسمة وهبة مقدمة برنامج «العرافة»، على قناة المحور: «الله سبحانه وتعالى قال، من شاء فليؤمن ومن شاء فليكفر.. في نهاية المطاف الله وحده هو من يحاسب، لا أحد من حقه محاسبة أحد، آرائي تخصني، وعلاقتي بالله تخصني».
وحول سر اشتباكها الدائم في الآراء الدينية مقارنة بالوسط الفني، قالت: «أنا أكتر واحدة صريحة ومش منافقة وأقول ما في قلب، ولا أفكر في الكلام، وفي جزء من الفنانين منافق، ساعات في قعداتنا الخاصة بيتقال كلام، وعلى الإعلام بيتقال كلام تاني مراعاة لمشاعر الناس، أنا عاوز الناس كلها».
وأوضحت: «ميهمنيش إني أخسر ناس، مش عاوزة كل الناس تحبني، أنا اللي عاوزة اللي يحبني، يحبني زي ما أنا، بفكري وآرائها، واللي مش عاوز يحبني هو حر، مش منتظرة أنافق المجتمع عشان يحبني، انا بتكلم بصراحة وهي دي مصيبتي».
