كشف الممثل الأهلاوي أحمد السعدني عن كواليس أزمة سابقة له مع أحمد حسام ميدو لاعب نادي الزمالك السابق بسبب جمهور الأهلي.
وقال السعدني في برنامج حبر سري أمس الجمعة "ليه جمهور الزمالك مش بيهاجمني زي أحمد فهمي؟ انا اها مش بتشتم على السوشيال ميديا ولكني اتشتمت في الاستاد واتضربت قبل كدة في مباراة أهلي وزمالك".
وتابع "حصلت مشادة بين أحمد السبكي مع أحد جماهير الزمالك وكنا جالسين بالقرب منهم واشتد الأمر لضرب وشتايم".
وأضاف "أنا مجنون بالأهلي، ولم أحضر امتحان في المدرسة من أجل حضور مباراة للأهلي في الاستاد، كان زميلي في الفصل كريم حسن شحاتة وكنت دايما بغلس عليه".
وواصل "شتايم وهجوم جماهير الأهلي والزمالك على قد المدرجات وكدة بتبقى تمام، لكن لما بتتنقل للسوشيال ميديا بتبقى مش حلوة، لكن أنا عمري ما هدخل في مشادة مع جماهير الزمالك أو اكتب حاجة استفزهم بيها ونصحت أحمد فهمي كثيرًا في هذا الأمر".
وأردف السعدني "مرة حصل مشكلة بيني وبين أحمد حسام ميدو، ميدو صديقي وأعرفه منذ سنوات، كتب تغريدة في مرة ودخلت رديت عليه وقولتله جمهور الأهلي بيحبك، محترف من صغره والجميع بيحبه".
متابعًا "دخلت لميدو قولتله الكلمتين دول وان جمهور الأهلي ممكن يتضايق منك لكن هو رد عليا رد مش لطيف وانا انسقت في الحديث معاه، ورديت عليه رد مش لطيف وحصلت مشكلة كبيرة بيني وبينه على المستوى الشخصي".
واختتم السعدني تصريحاته "من بعدها انا وميدو مش على وفاق، في ظروف معينة حاول يتواصل معايا وبعد وفاة والده انا حاولت اتواصل معاه برضه، لكن الموضوع بالنسبالي منتهي وأنا مسامحه".
