تحدث العامري فاروق نائب رئيس مجلس إدارة النادي الأهلي عن القيادة الفنية للجنوب افريقي بيتسو موسيماني المدير الفني للفريق الأول لكرة القدم بالقلعة الحمراء.
وقال العامري في تصريحات إذاعية مساء اليوم "موسيماني مدرب أنجز في فترة صغيرة ونجح جدا في الملف في فترة صغيرة، وحقق حاجة كانت مهمة لجمهور الأهلي كانت بدأت تبعد والناس مكانتش مبسوطة".
وتابع "لازم الناس تديله مساحة انه يكمل ملفه، جمهور الأهلي طبيعته انه يكسب كل ماتش، والي بيوافق انه يتولي المسؤولية عليه انه يستحمل وميجيش يقول ازاي الجماهير بتطالبني بكدة".
وواصل "محمود الخطيب دايما بيقول ان زي ما الجمهور بيشجعك وبيروح وراك كل حتة لازم تستحمل انتقاده كمان وهجومه".
وأضاف "الاداء طبيعي انه يكون في انتقاد لو مش كويس، لو شوفنا التراجع في مباراة او اتنين او حاجة لان في اجهاد وكدة ده طبيعي، لكن استمرار سوء الأداء هو الي يكون مشكلة".
واختتم العامري تصريحاته "السفر مرهق وتعدد البطولات متعب ومجهد للاعبين والجهاز الفني، لكن مادام الناس بتتقدر من الجمهور عليهم يبذلوا مجهود وتستحمل".
