تحدث عصام عبد الفتاح رئيس لجنة الحكام عن مستوى الحكام المصريين في الفترة الماضية ببطولة الدوري المصري.
وقال عبد الفتاح في تصريحات إذاعية اليوم الأربعاء "وانا صايم أهو، التحكيم ماشي كويس جدا وراضي عنه بنسبة كبيرة، مفيش اخطاء بتأثر في نتائج مباريات، وده اهم حاجة".
وتابع "شوفوا في استديوهات التحليل مفيش حالات مثيرة، احد القنوات قالت عن مباراة الأهلي والمصري الأخيرة مفيش اخطاء تحكيمية وقنوات تانية قالت في اخطاء، طب نصدق مين؟".
وأضاف "كل من هب ودب بيحلل التحكيم، في ناس محترمة وعارفة بتحلل، انا مش بيهمني ان الناس بتنتقد او بتطلع الحكام خطأ علشان عاوز منصب او بيحب ويكره".
وواصل " ما يهمنا ان احنا على مسافة واحدة من الجميع في لجنة الحكام، من حق اي نادي يطلب حكم اجنبي ولكن القرار في النهاية يكون لاتحاد كرة القدم هو الي يوافق او يرفض".
واختتم عصام عبد الفتاح تصريحاته "البعض بيحاول يحمل اللجنة اخطاء سابقة، حاسبونا على اخطاءنا احنا مش اخطاء الماضي".