بـ 27 جنيها في السوبر ماركت.. أحمد موسى عن غلاء الطماطم: "خليها تبوظ"
بـ 27 جنيها في السوبر ماركت.. أحمد موسى عن غلاء الطماطم: "خليها تبوظ"
علق الإعلامي أحمد موسى؛ على ارتفاع أسعار الخضروات لافتا أن بعض الأسواق التجارية عرضت الطماطم بسعر 27 جنيه رغم أنها موجودة في سوق العبور بسعر 9 جنيهات.
وقال موسى خلال برنامج "على مسؤوليتي" المذاع على قناة "صدى البلد": "لما تروح الهايبر تلاقي الطماطم بـ 27 بصلها كدة وأمشي هتبوظ؛ ليه تجبها بـ 27 وهي موجودة بسعر من 5.5 إلى 9 جنيه وبالكتير لما توصلت مش هتزيد عن 15 جنيه".
وأضاف: "هتبوظ بعد يومين وبكرة درجة الحرارة 40؛ لما تلاقي الحاجة مبالغ في سعرها متشتريهاش؛ يوم والا يومين في الحر دة هتلاقي سعرها نزل النص".
وتابع: "اللي بـ 27 ده هيبقى بـ 13 وممكن يبقي بعشرة؛ لما زادت الأسبوع اللي فات وبقت 20 جنيه والنهاردة بـ 13 و15 جنيه؛ ورق العنب النهاردة واللي بيكلموا عليه عندك من 18-22 والبلدي من 13-17".
واختتم: "البطاطس في سوق العبور من جنيه وربع إلى أربعة جنيه؛ وزير التنمية المحلية نزل وقابل الناس؛ لما تروح الأسواق الأخرى تلاقي الضعف ليه الضعف؟ الناس النهاردة حريصين أن الأسعار متبقاش زيادة".
