مصطفى بكري يرد على الشائعات بشأن ديون مصر
مصطفى بكري يرد على الشائعات بشأن ديون مصر
أكد الإعلامي مصطفى بكري؛ أن الديون المستحقة على الدولة المصرية في الحدود الأمنة لافتا أن الدولة لم تقترض من أجل الإنفاق على الطعام والشراب.
وقال بكري خلال برنامج "حقائق وأسرار" المذاع على قناة "صدى البلد": "الديون فوايدها السنوية فوق الـ 600 مليار جنيه؛ ولكن أنا عايز أقولك قضيتك هي الاقتصاد وليس حجم الديون؛ اليابان حجم ديونها 250% من مجمل الناتج المحلي والولايات المتحدة 130% من إجمالي الناتج المحلي".
وأضاف: "حجم الدين في مصر 85% من إجمالي الناتج المحلي والعبء والمشكلة هي خدمة الدين وليس الدين؛ أنا استلفت في مصر عشان أشغل الناس وأحل المشكلة؛ مش عشان أكل وأشرب".
وتابع: "أنت حليت مشكلة الكهرباء والغاز وبتدخل الغاز كل سنة إلى مليون وحدة سكنية؛ الغاز كان بيكلفني 3.5 مليار جنيه انت كدة اترحمت من أنبوبة البوتجاز واستيراد الغاز".
وأكمل: "نتكلم عن تحدي الماية ياترى المصريين هيقدروا أي نقص في الماية؟ الحكومة بتبني محطات تحلية وبنبطن الترع ومع النمو السكاني لازم نتحرك والبعض بيتكلم عن المباني العقارية وأن احنا زودناها في المباني ماشي لكن كنا بنتكلم عن الأماكن الخطرة وسكان المقابر".
وواصل: "بيقولوا أدوا فرصة للقطاع الخاص الجيش مسيطر على كل حاجة؟ الجيش لا يحتكر شيء الجيش كلف بمهمة في فترة صعبة احنا خرجنا من مرحلة صعبة توقفت فيها مشروعات التنمية".
واختتم: "مين اللي كان قادر على أنه يتحمل وينجز بسرعة وانضباط بعيد عن القوانين السائدة والمناقصات الجيش في الفترة اللي فاتت كان بيشتغل لوحده؟ زي ما قال الرئيس في 4500 شركة قطاع خاص بتشتغل مع الجيش".
