تامر أمين: إقامة نهائي دوري أبطال أفريقيا في المغرب توجيه لمسار البطولة
تامر أمين: إقامة نهائي دوري أبطال أفريقيا في المغرب توجيه لمسار البطولة
أكد الإعلامي تامر أمين؛ أن قرار الاتحاد الافريقي لكرة القدم إقامة نهائي دوري أبطال أفريقيا في المغرب يعد توجيه لمسار البطولة.
وقال أمين في مداخلة هاتفية مع برنامج "المكتب التنفيذي للاتحاد الأفريقي هيقرر أين ستلعب المباراة النهائية لدوري الابطال الأفريقي اللي بيلعب في الدور قبل النهائي فيه أربع فرق وهي الأهلي و99% بناء على نتيجة مباراتي الذهاب في الدور قبل النهائي تأهل الأهلي والوداد المغربي".
وأضاف: "للي بيحصل دلوقت أن في تصويت واجتماعات المكتب التنفيذي للاتحاد الأفريقي؛ الكلام اللي طلع من الاجتماع وكلام رئيس الوداد المغربي أن المباراة النهائية هتتلعب في المغرب احنا بنتكلم في عدل كرة القدم؛ أيه اللي بيقول أن المباراة اللي هتتلعب بين فريقين تتلعب في أرض واحد منهم اية علاقة دة بالحق والعدل والمنطق أو تكافؤ الفرص".
وتابع: "الغريبة أن في ناس مقتنعة بالموقف دة وبيبرروه السيد رئيس نادي الوداد بيقول دا حقنا الديموقراطي؛ أية الحق في كدة مباراة واحدة هتتلعب بينك وبين الأهلي لو سألنا الشعب المغربي نفسه المباراة تتلعب فين هيقولك في أرض محايدة".
وواصل: "عارفين لو الموضوع تم تحديده في المغرب من دور الـ 32 والكاف قالك أيا كان الفرق اللي هتتأهل المباراة هتتلعب في المغرب كان ممكن؛ زي أوروبا كدة بيحددوا قبلها بسنة على الأقل".
وأوضح: "هما قالوا النهائي هيتلعب من مباراة واحدة في باريس يوم 28 مايو؛ لو كان باريس سان جيرمان صعد خلاص دا رزق" متابعا: "لما تيجي بعد ما توصل للمباراة النهائية وتعرف طرفي المباراة تيجي تقول أنا هدي الفرقة دي تلعب في أرضها دا كأنك كدة بتعمل قرار توجيهي".
واختتم: "كأنك بتوجه مسار البطولة لأن الأرض بتلعب مع أصحابها والجمهور والحكام عندنا في أفريقيا بيجاملوا كتير أصحاب الأرض؛ ليه أخلي العوامل دي لصالح فريق وضد فريق؛ قولولنا لو دة مقصود".
