إبراهيم عيسى يعلق على توقيع اتفاقية إنشاء القطار الكهربائي السريع
إبراهيم عيسى يعلق على توقيع اتفاقية إنشاء القطار الكهربائي السريع
علق الإعلامي إبراهيم عيسى؛ على توقيع الحكومة مع شركة سيمنز الألمانية على اتفاقية إنشاء الخطوط الثلاثة للقطار الكهربائي السريع.
وقال عيسى خلال برنامج "حديث القاهرة" المذاع على قناة "القاهرة والناس": "خليني أتكلم عن القطار الكهربائي السريع؛ الخطوط الثلاثة المخطط ليها؛ احنا شوفنا التوقيع وشوفنا الاحتفاء الرسمي الحكومي بهذا المشروع والتوقيع مع سيمنز الشركة الألمانية اللي نفذت لنا محطات الكهرباء".
وأضاف: "السؤال الطبيعي المنطقي المحمود على فكرة الناس بتقول هو دة وقته؟ احنا في ظل أزمة اقتصادية ومالية ليه نعمل كدة؟ هل المشروع عاجل إلى هذا الحد وهل هو ضمن المشروعات اللي ممكن تعود إلينا بعائد".
وتابع: "السؤال التاني الدولة بتقول إنها هتعمل سياسة تمليك جديدة وملكية دولة جديدة وأنها هتتخارج من مشروعات ليه بتوقع وتمضى وتلتزم قبل ما تعرف المشروعات هتكون تبعك والا لسة مش تبعك والا الدولة منوط بيها مشروعات النقل من النوع دة والا مش منوط بيها".
وواصل: "دي أسئلة منطقية وجيهة؛ مش مهم الأسئلة دي جاية من كارهي أو من أصوات إخوانية كارهة دي أسئلة وجيهة حتى لو جات من خصوم وأعداء ومش بتكلم هنا غير عن الإخوان وتيار الإسلام السياسي".
وأوضح: "نروح للإجابة عن الأسئلة؛ السيد كامل الوزير قال إن الفلوس مش هتدفع بشكل عاجل وأن هيكون في سماح 5 سنوات والدفع على 15 سنة؛ وأنت كمان ساعدتها في ازمة شديدة لما نفذت مشروعات الكهرباء بـ 15 مليار دولار".
وأكمل: "ربما أحد الأسباب الرئيسية أنهم وقعوا الاتفاق الأن أن المشروع فعلا بدأت بنيته الأساسية ويمكن جدا توقف المشروع يكون خسائر توقفه أكتر كتير من كلفة استمراره وممكن يكون باب استثمار مشترك في ذات الوقت الدولة نشرت مع المشروع الاتفاق المصري الأردني الإماراتي في الاستثمار".
وذكر: "جايز كمان الدولة شايفة أن المشروع حال تنفيذه هيكون ليه عائد كبير؛ وكمان المدى الزمني لسداد القرض ممكن يكون مغري ورأيي أن المشروع طالما بدأ يبقي لازم يكمل لكن الناس من حقها تسأل".
واختتم: "الدولة لازم تقول للمواطن؛ المفروض هنا مش مداخلة تليفونية من وزير لبرنامج؛ لازم الحكومة تعمل مؤتمر صحفي وتوضح وتقول المشروع هيتكلف كذا والعائد بتاعه كذا وقررنا نكلمه عشان كذا وسمعنا في دة الخبير فلان الفلان".
