عمرو أديب يعلق على إلقاء لاعبي الأهلي الميداليات: هو أنت أحسن من ليفربول؟
عمرو أديب يعلق على إلقاء لاعبي الأهلي الميداليات: هو أنت أحسن من ليفربول؟
علق الإعلامي عمرو أديب؛ على أحداث نهائي دوري أبطال أفريقيا وخسارة النادي الأهلي للقلب لافتا أن الفريق غير قادر على تقبل الهزيمة.
وقال أديب خلال برنامج "الحكاية" المذاع على قناة "أم بي سي مصر": "يبدو أن الأهلي مبيعرفش ينهزم باد لوزر الأهلي مبيعرفش ينهزم بقالنا 3-4 أيام من يوم الماتش وبنتكلم في تحليلات ولاعيبة بترمي الميداليات".
وأضاف: "دة ماله ومالة الكورة واللاعيبة؟ سؤال مهم هو الأهلي لعب كويس هو الأهلي يستحق يفوز؟ ليه مصنع الشماعات اللي انتوا عاملينه".
وتابع: "موقف الأهلي نفس موقف ليفربول أنما الأهلي لا يهزم والأهلي ميتغلبش؛ لا نفع وأي فريق في الدنيا يتغلب أنتوا ليه مش عايزين تنهزموا ما تنهزموا بهدوء".
وأكمل: "هو ليه الإدارة في مصر أو النادي الأهلي مقدرتش تتقدم لأنها تستضيف الماتش؛ لما الأهلي يكسب برة يقولك دي روح الفانلة الحمراء أنما لما يتغلب يطلع الحكم والجو واتحاد الكورة".
وواصل: "أنت خسرت بطولتين ما تخسر؛ وقدامك الدوري يا تكسب يا تخسر؛ هو أنت أحسن من برشلونة؟ هو أنت أحسن من ليفربول في أية يا جماعة فريق وأتغلب".
وأكمل: "كان من الأول مش عايز كنت انسحب؛ أنما بعد ما رحت هناك بتقول كان حقنا انسحبنا؟ وبعدين ازاي بتتكلم عن 20 ألف تذكرة وباعت 3 ألاف".
واختتم: "واضح كدة في قارة أفريقيا اللي يعرف ياخد حاجة ياخدها عشان كدة لازم تخلص في الملعب ولازم تكسب في الملعب".
