أعلن مرتضى منصور رئيس مجلس إدارة نادي الزمالك وقناته بشكل رسمي عن وجود مصطفى يونس مقدمًا لأحد البرامج في قناة النادي الأبيض خلال الفترة المقبلة.
وقال مرتضى منصور خلال حديثه عبر قناة نادي الزمالك وتقديم المذيعين الجُدد: "مصطفى يونس مش جاي يقدم برنامج في قناة الزمالك علشان يناكف في النادي الأهلي".
وأضاف: "مصطفى يونس هيقدم برنامج مع جمال عبد الحميد وهيستضيفوا نجوم من الأهلي والزمالك من الزمن الجميل علشان الجماهير تعرف أن خارج المستطيل الأخضر لعيبة الأهلي والزمالك أصدقاء".
وأكمل: "جمال عبد الحميد ومصطفى يونس هيكون معاهم خالد لطيف مقدم للبرنامج هيستضيفوا كل أسبوع لعيبة من الأهلي والزمالك هيتكلموا عن الزمن الجميل اللي فات والزمن اللي احنا فيه دلوقتي".
من جانبه قال مصطفى يونس: "انا سعيد بوجودي هنا مع كوكبة من النجوم والزملاء والاصدقاء، انا الوحيد في النادي الأهلي اللي ليا علاقات جامدة في نادي الزمالك".
وأتم مصطفى يونس حديثه: "أنا أهلاوي لحما ودما أكتر من ناس جوا النادي الأهلي، دلوقتي في ناس مش لاقيين حاجة يعملوا بيها فتنة بين الشعب المصري فبيحاولوا يعملوها بين الأهلي والزمالك، واحنا بدورنا هنحاول نقلل الفتنة دي".
