تحدث البرتغالي ريكاردو سواريش المدير الفني للفريق الأول لكرة القدم بالنادي الأهلي عن الضغوطات التي تنتظره خلال تدريبه للفريق الأحمر خلال الفترة المقبلة.
وقال سواريش في المؤتمر الصحفي لتقديمه لوسائل الإعلام: "هدفنا الاساسي اننا جايين علشان نفوز ومع الفوز لازم نكون بنلعب كويس انا شرحت لإدارة النادي علشان يبقى في شخصية مميزة للفريق ويقدم كرة قدم على مستوى عالي في حاجات كتير وقيم كتير لازم نضيفها للفريق".
وأضاف: "محتاجين افكار نوصلها للاعبين من التمرين، علشان نلعب كويس لازم يبقى في تمرين مستقر وعلى طول التمرين بيحصل فيه اعادات للافكار اللي بحاول اضيفها مع اللاعبين، التزامنا الاساسي اننا نحقق الفوز واكيد مستقبلا هنلعب بشكل افضل من البداية اللي هنبدأ بيها".
وأكمل: "المدرب اللي ميقدرش يلعب تحت ضغط مينفعش يكون مدرب، اكيد عارفين ان علينا ضغط لأن ده النادي الأهلي الأكبر في افريقيا طبيعي جدا لفريق بيسعى للفوز في كل مباراة، احنا موجودين هنا علشان نعمل كل شئ للفوز في كل مباراة".
وأتم سواريش حديثه: "الضغط اكيد هيكون متوجه عليا وانا جاهز للضغط ده جزء من جانب العمل عند، احنا جينا هنا من اجل الفوز مجيناش هنا علشان نهزر بنفكر بس في الفوز".
