الرئيس السيسي: الإخوان لم يكن لديهم فهم بمعنى الدولة
الرئيس السيسي: الإخوان لم يكن لديهم فهم بمعنى الدولة
أكد الرئيس عبد الفتاح السيسي، أنه حرص على أن يلقي مسلسل الاختيار الضوء على بعض القضايا التي لم تكن واضحة للشعب المصري، مشيرًا إلى أن القائمين على الحكم قبل 3 يوليو لم يكن لديهم فهم بمعنى الدولة، وكل ما يفهموه هو تنظيم المظاهرات والتسبب في الأزمات.
وقال السيسي خلال لقائه مع الإعلاميين: ": "لم يفكر أحد في البناء والتعمير، الفكرة بالنسبة لهم أنهم مش عارفين معنى الدولة؛ والله العظيم ما يعرفوا يعني أيه دولة، والقضية في تقديري اللي كانت غائبة عنهم أنهم شاطرين في حاجة واحدة أنهم يؤثروا في الانتخابات، ويؤثروا في الناس عشان يخدوا أصواتهم".
وذكر: "خلال السنين اللي فاتت تشكلت عند المواطن المصري حالة من الشك والتشكك؛ تيجي تقوله عملنا لك ده يبقي مش مصدق؛ خلقوا منطقة رمادية عند المواطن"، متسائلًا: "هو حد عايز يمسك البلد دي، يخليها تفضل تتصارع لمدة سنة ونص، لغاية ما يجبها على الأرض؟، أنت هتمسك ركام، الكلام ده أنا قلته لهم وللتيار الإسلامي كله؛ قلت لهم عندكم مراكز دراسات أنشأتموها عشان تعرفوا يعني أيه دولة؟، عندكم ده؟، معندكوش يبقى انتوا مش هتبقوا عارفين تحديات الدولة اللي أنتوا فيه".
وأوضح: "فرص النجاح مش أنك تعرف تقود دولة ولا لأ؛ فرص النجاح أن مقومات الدولة تبقى موجودة؛ هما خدوا مقومات الدولة اللي كانت ظروفها صعبة خلصوا عليها"، متابعًا: "قعدنا أكتر من 70-80 أسبوع يوم الجمعة أو الثلاثاء يكون في مظاهرة؛ هو هيبقى فاضل في الدولة حاجة؟، طيب أنت هتمسك تستلم أيه؟، طيب استلمت هالهم ما رأوه؛ لا لقوا أصول جوة الدولة في البنك المركزي ولا لقوا حاجة".
واختتم: "هو حد يخرج 35 مليون في العالم كله كدة؟، دي حاجة إلهية رحمة بالبلد؛ التحدي النهاردة هو عدم الفهم؛ حط الصورة متكاملة وقول الصورة المتكاملة دي هتعمل فيها أيه".
