إبراهيم عيسى: أسانيد داعش فقهياً صحيحة ويجب تجديد الخطاب الديني
إبراهيم عيسى: أسانيد داعش فقهياً صحيحة ويجب تجديد الخطاب الديني
طالب الإعلامي إبراهيم عيسى بسرعة تغيير الفكر الديني، قائلاً: «إن الأسانيد التي استندت عليها داعش في حرق الطيار الأردني بهده الوحشية التي رأيناها جميعا صحيحة ولا بد من تجديد الخطاب الديني».
وأضاف عيسى، خلال برنامجه «25/30» على قناة نتحدث منذ ساعات عن الفيديو الوضيع البشع اللي أذاعته داعش بإحراق التيار الأردني الأسير عندها.. الفيديو عن إحراق بني آدم، مش بس كدة حتى تفحمت جثته، لا ثم رميه بالزلط ثم بلدوزر يمشي فوقه.. قمة في التوحش».
وتابع: «هم بيستندوا طلعوا قالوا إن الكلام ده قاله ابن تيمية، اللي هو فكرة إنك تحرق عدوك، تحرق المرتد، تحرق الكافر، تحرق، وإن الحرق عادي جدًا ومشروع ومشرع دينيًا، والنقطة الثالثة هل اللي عملته داعش ده يرتدع منه آخرون من قلب تيار الإسلام السياسي، واللي بيستخدم السلاح».
وزاد عيسى: «خلينا نقول النقط دي، أول حاجة عشان بس كي لا يصدم أحد كل ما بيعمل داعش حاجة من التوحش، تطيير الرؤوس، ذبح الرقاب، بيعملوا ده النهاردة بيحرقوا حد فبيتلعلك مشايخ يقولك إن هذا لا يمت للإسلام، وإن الإسلام برئ منه وداعش نفسها لما بتعمل ده، ذبح قتل اغتصاب حرق، كل الجرائم المتوحشة دي بتقول شرعًا هي مستندة إلى إيه هي مستندة إلى الشرع، ده حديث نبوي كذا، ده صورة كذا، وقعة تاريخية كذا، والحقيقة كل ما تقول داعش صح».
وأكمل: «لكي لا يصتطدم أو يصدم أحد بما نقول، كل الأسانيد التي قدمتها داعش لجرائمها وتوحشها وعنفها المفزع المجرم الوضيع كل الأدلة اللي قدمتها والأسانيد التي استندت إليها، زاعمة أنها في كتب التاريخ والفقه والشرع، هي أدلة صحيحة وأسانيد موجودة فعلًا وكل من يقول أنها ليست كذلك كاذب، وده اللي يخلينا نواجه نفسنا فعلًا احنا عايزين نغير الفكر الديني ونجدد خطابنا الديني».
