ردًا على اتهامات بسرقة أغنية الكينج.. أكرم حسنى: «بكتب أغانى من 8 سنين»
ردًا على اتهامات بسرقة أغنية الكينج.. أكرم حسنى: «بكتب أغانى من 8 سنين»
ساعات قليلة مرت على إطلاق أغنية الكينج مجمد منير، "للي" وهي التعاون الأول بين الكينج وأكرم حسني مؤلف الكلمات، ليواجه الأخير حملة من الانتقادات والاتهامات بسرقة كلمات الأغنية من أحد الشعراء.
الفنان أكرم حسني قرر الرد على تلك الاتهامات بمنشور عبر صفحته الرسمية على “فيس بوك”.
وكتب حسني في منشوره: قريت من شوية بوست بيتهمني بسرقة كلمات أغنية "للي" من شاعر من جنوب مصر الحبيب وبعدها أكتر من صحفي كلمني بيطلب مني رد علي الاتهام ده .. ف خلوني اوضح كذا نقطة:
١- كل الحب و الاحترام والتقدير لكل موهبة فنية بتقدم فن يحترم الجمهور و جنوب مصر خرجلنا شعراء وأدباء كتير علي رأسهم الخال الابنودي رحمة الله عليه.
٢- أؤمن بحقوق الملكيه الفكريه كما أؤمن بان السرقه الفنيه تصنع نجاح مؤقت.
٣- تشابه جملة من الأغنية التي تتكون من ١٢ بيت مع جملة للشاعر لا يعني السرقة وانما توارد الافكار أمر طبيعي.
٤- لما كتبت الأغنية كانت مكونة من ٢٠ بيت اختار منها الكينج ١٢ بيت وتم تسجيلهم ف معتقدتش اللي كتب ٢٠ بيت هتقف معاه في جملة عشان يسرقها.
٥ - انا بكتب اغاني بقالي اكتر من ٨ سنين من خلال برامج ومسلسلات واعمال فنية قدمتها وكنت علي سبيل المثال في أغاني برنامج ابوحفيظة قبل ما بستخدم لحن اي اغنية في البرنامج برجع لجمعية المؤلفين والملحنين وأسدد الرسوم حفظا لاصحاب حقوق الملكية الفكرية .. ف اللي يعمل كده بيتهيألي صعب يحط نفسه في موقف زي ده
https://m.facebook.com/story.php?story_fbid=pfbid0k6hDAKhPg8kcU55e6DDy1fN6YcjmMgfC2HbVepWhMniuKg3AVb9pTQBnBVJn51R1l&id=100044498916902
٦- أنا مهنتي الاساسية ممثل وبحب صناعة الاغاني من باب الهواية ف انا مش محتاج اسرق عشان اعمل رصيد لنفسي كشاعر .. انا بعمل ده بحب.
٧ - و أخيرًا .. انا كتبت البوست ده مش دفاعا عن نفسي ولكن لاحترامي للجمهور المحترم اللي بيثق فيا ف حبيت أوضح له.. أشكركم وآسف علي الإطالة.
