عمرو أديب يعلق على تلقي إبراهيم عيسى تهديدات بالقتل
عمرو أديب يعلق على تلقي إبراهيم عيسى تهديدات بالقتل
علق الإعلامي عمرو أديب؛ على تأييد البعض على وسائل التواصل الاجتماعي للتهديدات بالقتل والتي وجهت إلى الكاتب الصحفي إبراهيم عيسى بسبب أرائه.
وقال أديب خلال برنامج "الحكاية" المذاع على قناة "أم بي سي مصر": "في بس ملاحظة صغيرة حصلت من كام يوم؛ زميلنا الأستاذ إبراهيم عيسى؛ الراجل جاله تهديد بالقتل واضح؛ هاشتاج ماشي؛ إبراهيم عيسى جاله تهديد بالفتل ماشي".
وأضاف: "الغريب ياسادة أن في ناس بأساميها بيقولوا أه كويس لما يقتلوه يبقي حلو أحسن يستاهل؛ دا كلام حد يفكر كدة؛ هو الفكر لا يواجه إلا بالفكر".
وتابع: "هل دة ممكن؟ وكاتب عادي أيوا عشان بعد كدة تبقى تتكلم في الاسراء والمعراج؛ الراجل جاله تهديد بالقتل مش اتقاله هنمعك من الإعلام أو كتبك مش هتدخل ولكن تلاقي ناس كتير؛ انتوا اتجننتوا يا جماعة؟ احنا بنتقدم والا بنتأخر".
وواصل: "وبعدين يقولك أنا ضد الإرهاب؛ أنا ضد الناس اللي بتستخدم السلاح؛ ولكن نستثني إبراهيم؛ الفكر ساعات أخطر من الرصاصة؛ أنت مش قادر على حد مش لازم تنفيه؛ أحنا معندناش المناقشة العلمية دي السوشيال ميديا سطحتنا خلتنا عايزين نقول كلمتين ونجري".
وأكمل: "فين بقي شوية رقي؛ فين الفكر فين الرأي؛ فين البحث مهي السوشيال ميديا ادتنا جوجل كمان أكتب في جوجل كدة العلماء قالوا كذا".
واختتم: "قدام ربنا المحرض على القتل زي القاتل؛ الراجل اللي ضرب المفك في رقبة نجيب محفوظ مقراش ليه كتاب أنما قالوله الحق دا ملحد".
