أحمد موسى منفعلا بسبب أزمة نحر الساحل الشمالي: "كنتوا فين من سنة؟"
أحمد موسى منفعلا بسبب أزمة نحر الساحل الشمالي: "كنتوا فين من سنة؟"
عرض الإعلامي أحمد موسى صورا جوية للساحل الشمالي أمام قرية ستيلا هايتس توضح شكل الشاطئ عام 2019 وشكله الحالي بعدما تعرض للنحر.
وقال موسى خلال برنامج "على مسؤوليتي" المذاع على قناة "صدى البلد": "تعالوا أوريكو الشاطئ واللي حصل فيه من 2019؛ أحنا بنتكلم عن مشكلة؛ خط الساحل كان موجود ومكانش في تغييرات؛ النهاردة في ظهور صخر في الشاطئ".
وأضاف: "بغض النظر عملوا ايه؛ أثرت أو غيرت أو عملت؛ المشكلة في الصخور بقي في دبش بقي في صخور والناس مبتعرفش تنزل الماية؛ بقت منطقة صخرية".
وتابع: "كل حاجة بتتغير هي الناس النهاردة بتدفع ملايين عشان متعرفش تنزل البحر؟؛ عملت إجراءات وخدت موافقات هو يا جماعة محدش راح يتابع".
وأكمل: "من سنة عمال أكرك ولون الماية ييتغير والناس تشتكي وبعد سنة نبدأ نفوق؛ محدش بيتحرك سايب شركة تشتغل وكراكات بتشتغل؛ طيب المنطقة دي خدت مواففة؟ خلال أخدت موافقة تابعت؟ الجهات المعنية متابعتش بيعملوا ايه؟ عايز أحافظ على المواطن وعلى المستثمر".
وأوضح: "الحاجات اللي بيطلعوها من البحر هل بتتعمل بطريقة دقيقة أم لا؟ الرواسب في الماية اتعملت نتيجة لأيه؟ نواتج التكريك بيترمي فين؟ هو دة المتابعة وفي جهات لم تتابع".
واختتم: "لو أنا بتابع لحظة بلحظة؛ دراسة خط الشاطئ اتعملت دراسته والا متابعتش؛ لو اتعملت هل تابعناها؟ لما التغيرات حصلت روحنا للناس قلنالهم دة حصل ليه؟ الناس بتقول بنشتكي من سنة ولا حد سأل فينا".
