تامر أمين يسخر من تلاحم مباريات الدوري: "فيتوريا هيدرب منتخب الزواحف"
تامر أمين يسخر من تلاحم مباريات الدوري: "فيتوريا هيدرب منتخب الزواحف"
أكد الإعلامي تامر أمين؛ أن تلاحم المباريات في بطولة الدوري والبطولات المحلية الأخرى يؤثر بشكل سلبي على اللاعبين الذين يعتبرون القوام الأساسي للمنتخب الوطني.
وقال أمين خلال برنامج "أخر النهار" المذاع على قناة "النهار": "امبارح كلنا شوفنا مباراة الأهلي والمقاصة في الدوري؛ الأهلي بيلعب كل ست ساعات وحاجة محصلتش ومشفتهاش؛ الأهلي عشان عنده ماتشين زيادة عن كل الفرق هتلاقي بيلعب كل تلات ساعات ونص".
وأضاف: "مش ممكن خلص وأكبس دوري وأخلص؛ طيب يخلص ازاي مش مهم؛ المهم الجدول والحاج عامر حسين يقول احنا كدة تمام؛ يا جماعة أحنا ايه أليس فيكم رجل رشيد؟ ايه اللي بتعملوه دة في الكرة المصرية".
وتابع: "أي لاعيبة هتلاقوهم لماتش الأرجنتين؟ هتلاقي ولا أهلي ولا زمالك؛ ولسة ماتش السوبر والكاس الحالي؛ دي مصيبة سودة؛ الزمالك اللي كسب كاس السنة اللي فاتت السنادي؛ والكاس الحالي لسة مكملناهوش".
وأكمل: "أنهي لاعيبة اللي هتفضل عايشة عشان تلعب بعد كدة؟ وإن عاشت هتبقي بتزحف؛ فيتوريا مدرب المنتخب هيدرب منتخب الزواحف كدة؟".
وواصل: "الكلام اللي سمعته من انتقادات المدرب البرتغالي المدير الفني للنادي الأهلي؛ أنا مش فاهم بينتقدوا ايه؛ أنهي لاعيبة اللي تعرف تطلع كورة جميلة دلوقت".
واختتم: "الراجل بيقول أنا جيت لقيت جدول بلعب كل يومين؛ الناس بتقولك تلات أيام؛ ولكن أنت بتريح يومين؛ تلعب الحد والأربع تبقي ريحت يومين وهو بيقول من ساعة ما جيت معنديش نص ساعة أدرب فيها كل اللي بعمله ريكفوري للاعبين".
