الباز يوضح أصل قائمة المنقولات في مصر: منظومة الزوج فيها خلل
الباز يوضح أصل قائمة المنقولات في مصر: منظومة الزوج فيها خلل
علق الإعلامي محمد الباز؛ على الجدل المثار مؤخرا حول قائمة المنقولات والتي تكتب قبل الزواج مشيرا إلى أن منظومة الزواج في مصر مصابة بخلل يحتاج إلى الإصلاح.
وقال الباز خلال برنامج "أخر النهار" المذاع على قناة "النهار": "امبارح وأول كان الناس بتتكلم على فكرة القايمة وأحكام القايمة والحكاية ليها أصل؛ محكمة النقض كانت بتحكم في قضية وحكمت بعدم حق الزوجة في القايمة وطلع الناس قالوا إن القضاء بيسقط القايمة".
وأضاف: "القائمة دي عرف وناس كتير اختلفوا؛ ودا نوع من التنظيم في ظل أن منظومة الجواز عندنا فيها خلل؛ في ناس بتجوز ومتعرفش بعض".
وتابع: "أنت حولت الجواز لشركة ومشروع؛ اثنين شركاء وكل واحد عايز يضمن حقه؛ ودار الإفتاء دخلت في الأمر وقالت لا دا حاجة مباحة".
وأكمل: "احنا محتاجين ثورة اجتماعية عشان نصلح حقوقنا؛ بعض الناس بدأت تقولك أصل القايمة دي أصلها يهودي؛ أول قايمة عفش في مصر اتعملت سنة 1160 ميلادية من 862 سنة ودي في دار الجنيزة بالمعبد اليهودي بالقاهرة".
وأوضح: "زمان كان الجواز عادي كان مصري مسلم ممكن يتجوز مسيحية أو يهودية؛ كان واحد مصري ممكن عايز يتجوز مصرية يهودية ووالدها كان عايز يضمن حقها وكتبوا قايمة وهذه كانت أول قائمة عفش وهي موجودة في المعبد اليهودي بالقاهرة".
واختتم: "في بعض الناس بتعمل تصنيفات كدة؛ يقولك أصل دي أصلها يهودي وفي النهاية هذا عرف اجتماعي الناس بتتفق عليه؛ القائمة سبب من أسباب المشاكل لأن منظومة الزواج في مصر تحتاج إلى تعديل".
