محمد نور يبحث عن شريك لأغنيته الجديدة «أنا حبيتك» (فيديو)
محمد نور يبحث عن شريك لأغنيته الجديدة «أنا حبيتك» (فيديو)
نشر المطرب محمد نور مقطعًا من أحدث أعماله الغنائية على طريقة الديو “أنا حبيتك” والمقرر طرحها خلال أيام.
وعلق نور على المقطع عبر حسابه على إنستجرام، قائلا: “دي حته من الأغنيه الدويتو الجديدة.. انا لسه بشوف مين هيغني معايا بالتعاون مع الشركة.. غنولي جزء منً الجديد وابعتولي انزلها”.
وأضاف: “جالي أصوات رهيبه منتهي الجمال من فضلكم نقو معايا ابعتولي كومنت هنا عليً الانستجرام باسم الصوت الي عجبكم وانا هشوف مين اكتر حد جالو تصويت ولو حد من الاصوات الجديده حفظ الجزء ده من الاغنيه يبعتلي عشان انزلو انا نفسي اغني معاهم كلهم من كتر ما اصواتهم حلوهً خط سعيد للجميع”.
آخر أعمال محمد نور
كانت أخر أعمال المطرب محمد نور الغنائية أغنية "ماتجيش على نفسك" والتي طرحها مؤخرا عبر قناته على “يوتيوب”.
الأغنية من ألبومه الجديد "الحب" وهى من كلمات أحمد علاء، ألحان محمد نور، توزيع محمد شفيق، مكس وماستر ياسر أنور.
كلمات الأغنية
"ماتجيش علي نفسك وعادي وخيرها في غيرها كده شكلك جبت آخرها مش كل ما نفتح صفحة جديدة إنت بتقفلها مش همشي وراك ولا شايفك حد صغير ده العمر قصير مش كل ما تغلط هنسي وأقول بكره هتتغير مستغرب ليه وشيفني ازاي مجنون بالعكس ده العين العقل ده انا عشت بقول عنك طيب واتاريك مش سهل هزعل علي ايه طب لو كملنا هناخد ايه غير وجع القلب وهكمل ليه وانا شايف البعد اريح من القرب كمان بمراحل علشان ما مسكتش فيا بفرط فيك بالساهل وهقولك ايه كان لازم اتعلم درس وكان الدرس ده فيك" .
" خليك علي راحتك وقابل بقي من غيري انا كده ريحت ضميري بعد اللي عملته معاك ما تقليش كتر خيري دول قالو زمان الناس بتبان في العشره وانا لو علي العشره علشان الجدعنه انا هديلك صفر من عشره مستغرب ليه وشيفني مستغرب ليه وشيفني ازاي مجنون بالعكس ده العين العقل ده انا عشت بقول عنك طيب واتريك مش سهل هزعل علي ايه طب لو كملنا هناخد ايه غير وجع القلب وهكمل ليه وانا شايف البعد احسن من القرب وكمان بمراحل وعشان ما مسكتش فيا بفرط فيك بالساهل وهقولك ايه كان لازم اتعلم درس وجالي الدرس ده فيك".
