تامر أمين: إقامة مقهي على قضبان القطار؟ الناس مش خايفة على سلامتها
تامر أمين: إقامة مقهي على قضبان القطار؟ الناس مش خايفة على سلامتها
علق الإعلامي تامر أمين؛ على صور وفيديوهات متداولة على مواقع التواصل الاجتماعي لمقاهي مقامة على قضبان القطارات دون النظر إلى سلامة المواطنين.
وقال أمين خلال برنامج "أخر النهار" المذاع على قناة "النهار": "في صورة النهاردة انتشرت على مواقع التواصل واتفزعت لما شفتها ومش مصدق أن الناس مستهترة بحياتها وبسلامتها؛ صورة لقهوة بلدي في محافظة كفر الشيخ والناس مترصة وقاعدين وترابيزات وشيش على شريط القطر".
وأضاف: "واحد في الصورة الشيشة تقريبا على قضيب القطر؛ قعدت أقلب في الصورة وأقول أنا مش عارف أقول إيه؛ مش لاقي كلام أليس فيكم رجل رشيد يقول عيب كدة ميصحيش كدة؛ خطر كدة والمشكلة أن محدش معترض".
وتابع: "الناس قاعدة مش خايفة على حياتها وصاحب القهوة مش خايف على الناس ولا على العدة حتى؛ لما سألت قالولي كتير من القرى والمدن اللي بتطل على شريط القطر فيها القهاوي كدة".
وواصل: "سواق القطر بيصبح ويمسي على القهوة؛ القطر معدي على رقبتهم مش ممكن وتلاقيهم زحزحوا شوية عشان القطر يعدي واللطيف أن القطر قطع عليهم الماتش اللي بيتفرجوا عليه".
واختتم: "مين اللي عامل الشاشة دي هنا ومين اللي رص الكراسي هنا وسواق القطر بيصبح عليهم؛ هو ينفع احنا في الأعلام نطلع نقول للناس خلي بالكم من نفسكم؟ هنحط عسكري على كل مواطن؟ هنزرع قوات أمنية على كل شبر؟ إيه المتعة أن ألزق في الخطر كدة؟".
