عمرو أديب: "الكوادر عندنا من أيام عبد الناصر"
عمرو أديب: "الكوادر عندنا من أيام عبد الناصر"
أكد الإعلامي عمرو أديب؛ أن مصر تحتاج إلى أن يكون لديها حياة سياسية في مصر مشيرا إلى أن الدولة لا تمتلك الكوادر الكافية في الوقت الحالي.
وقال أديب خلال برنامج "الحكاية" المذاع على قناة "أم بي سي مصر": "أنت عندك متسجل يجي 100 حزب فيهم 20 بيتحركوا و4-5 الناس عارفينهم؛ فين التصعيد وفين الناس الموجودة في الأحزاب دي؛ ويبقي عندك وزير جاي من حزب وشوية رئيس وزراء جاي من حزب".
وأضاف: "رئيسة الوزراء البريطانية كانت يسارية وغيرت ميولها شوية وقالت أنا هقلل الضرايب وأول ما تقلل الضرايب الأسعار تزيد وهما عندهم مشاكل".
وتابع: "في الحوار السياسي بتاعنا النهاردة لما جينا اختارنا ناس تمسك المحاور السياسية كلهم متربيين في الحقبة السياسية للرئيس جمال عبد الناصر مش في عهد السادات أو عهد مبارك".
واختتم: "أنت لسة معندكش كادر سياسي تقدر تستعين بيه؛ على راسي وفوق دماغي أستاذي ومعلمي علي الدين هلال بس لما جيت تختار أنت جايب ناس متربية في عهد سياسي قديم جدا".
