إبراهيم عيسى ينتقد طريقة اختيار المحافظين
إبراهيم عيسى ينتقد طريقة اختيار المحافظين
أنتقد الإعلامي إبراهيم عيسى؛ طريقة اختيار الدولة للمحافظين مشيرا إلى أنها تتعامل مع اختيار المرشحين لهذا المنصب على طريقة مكافئة نهاية الخدمة.
وقال عيسى خلال برنامج "حديث القاهرة" المذاع على قناة "القاهرة والناس": "الدولة بتبقى راضية ومبسوطة من أداء بعض الشخصيات في مناصبها سواء ضباط في الجيش أو الشرطة أو السادة المستشارين في القضاء بجانب حصة لأساتذة الجامعة".
وأضاف: "أكاد أقسم بالله أن كل الملفات للمحافظين المرشحين في الحركة القادمة لا تخرج عن اللي أنا بقوله؛ المسألة مش مكافئة نهاية الخدمة مش احنا عايزين نكرم أدائه هنا فنجيبه محافظ وميصحش نطلعه من هنا عالبيت".
وتابع: "مع احترامي مفيش اكتر من جلال القاضي؛ القاضي ايه علاقته بالحياة اليومية؟ رئيس محكمة وصل 50-60 سنة أعينه محافظ؛ القاضي مش مفروض يتفاعل مع المجال العام حافظا على الهيبة والمكانة وخبراته الإدارية لها علاقة بسكرتير المحكمة أو أمين السر منين جه أن القاضي ينفع يبقى محافظ لمحافظة فيها 6 مليون بني أدم".
وأكمل: "زي بالظبط سيادة لواء مدير أمن ممتاز وليه علاقاته في الشارع؛ النظرة الأمنية غير النظرة السياسية؛ زي بالظبط لواء عظيم في الجيش في أي من الأسلحة لأبطالنا في الجيش المصري ايه علاقته بسوق الخضار فيه ايه وطول الوقت اللواء بيتعامل بضبط وربط وقواعد وفي منظومة جيش مش هتنفع في الحياة العامة".
واختتم: "ثم كمان بيخدوهم من الدار للنار مش بيخدوا حتى دبلومة في الإدارة المحلية أو تدريب؛ قلنا أن احنا هنجيب نواب محافظين وعينوا شباب صغير في السن يبقى محافظ بقي جربناهم أو نجيب محافظين من مجالات جماهيرية أخرى".
