رد فعل صادم من منى زكى على أحمد حلمى لحظة مصارحتها بحبه لها
رد فعل صادم من منى زكى على أحمد حلمى لحظة مصارحتها بحبه لها
تحدثت الفنانة منى زكي عن لحظة مصارحة زوجها الفنان أحمد حلمي بحبه لها، قائلة:" ضحكت لما قال لي بحبك، لأن مشاعري كانت ملخبطة، قولت لنفسي وقتها إنت كنت عاملي ظريف عشان تقولي بحبك، كان جوايا حجات كتير، جعلتني أضحك، وكمان كان معايا صحابي ومحرجة، ساعتها ضحكت معرفش ليه".
تفاصيل مصارحة أحمد حلمي بحبه لمنى زكي
وأضافت منى زكي خلال لقاءها ببرنامج سهرانين، المذاع عبر فضائية On، الذي يقدمه الإعلامي أمير كرارة، أنها تتذكر تفاصيل كل شيء عن هذه اللحظة، حتى المكان ، حيث كان يوجد مركب أمام شيراتون القاهرة، كان اسمها كريستين، وكانت مركب كبيرة، ويتم تأجيرها بالساعة، أنا فاكرة المكان باسم كل حاجة.
وتابعت الفنانة منى زكي:"إحنا قعدنا صحاب سنة ونصف أو سنتين كدة".
علاقة منى زكي بوالدها
وأوضحت منى زكي، أن والدها كان يعطيها كفايتها من الحب والحنية، لدرجة أنها كانت تدرك جيدا أنها لا ينقصها شيء، معقبة:"حب وحنية الأب يعطي الثقة في النفس لدرجة أنه لما يأتي رجل يقول انتي حلوة ما تبقاش سايح، بالعكس ، تحس إن أهم منه اعطاك الثقة والحب والحنية ".
وأردفت:"أنا كنت حياة والدي، وهو كان كل حياتي الله يرحمه، وحلمي اتعذب بسبب كده، لأنه عاش معانا فقرة فيلم عريس من جهة أمنية".
وأكملت:"بابا كان لما يتفق على حاجة مع أحمد، يقول تاني يوم، إيه ده، إيه اللي عملناه ده، لا ، كنسلوا كل حاجة، فابتدي أنا أجيب جدتي واقاربي عشان يهدوه، لأني كنت خلاص حبيت أحمد وحسيت إنه بني آدم مثقف أوي ومحترم أوي، ومابيتكسفش يعبر عن حنيته ومشاعره، لأن رجالة كتير بيتكسفوا يعبروا عن زعلهم أو حنيتهم أو مشاعرهم".
