كشف البرتغالي چيسوالدو فيريرا المدير الفني لفريق الكره الأول بنادي الزمالك حقيقه تعرضه للإغماء في مباراه العوده أمام اليكت التشادي والتي انتهت بفوز الزمالك بثنائيه نظيفه .

وتأهل نادي الزمالك لدور الـ32 من مسابقه دوري ابطال افريقيا بعد الفوز برباعيه نظيفه في مجموع اللقائين، ليضرب موعد مع فلامبو دو سونطر البوروندي في الدور القادم .

وقال فيريرا :”حتى الان لا اعرف كيف يلعب بطل الدوري مباراتين تمهيديتين ولكني سأتحدث عن ذلك في الوقت المنافس “.

وواصل :”لم اتعرض للاغماء ، كان هناك سجاد غير ملتصق ببعضه البعض ولكني لازلت شاب و اتمتع باللياقه اللازمه وقومت باستعاده توازني ولم اتعرض للاذي “

وأكمل :”مشاركه اللاعبين الشباب تدل على وجود نظام خاص بالفريق و اننا لازلنا نلعب بأسلوبنا حتى الان”.

وأضاف :”فرقتنا كانت قويه الموسم الماضي وقدرنا ناخد الدوري والكاس ، قدرنا نحقق ٢٢ فوز ودي نسبه عاليه جدا والنتائج جيده ، اللعيبه الجديده هتدخل في مجموعه ليها اساس ومعرفه ، وده اسهل بكتير و بيساعد اللعيبه الجديده تندمج اكتر”.

وأردف :”زي ما تعرفوا ان ده بطل الدوري و اللعيب اللي هيدخل وسط المجموعه دي لازم يبقى لعيب كويس و لازم يجتهد كتير عشان يعرف يلعب سواء الموجودين حالياً او اللاعبين الجدد “.

وإستطرد :”سمعت ان في ناس اتكلمت ان حصلي دوخه ، ياريت منكتبش حاجات منعرفهاش و من فتره اتكتب كلام تاني ومتقلقوش انا لسه معاكوا فتره كمان ، لو كان في دوخه او كلام زي ده كنت هبقى معاكوا وبتكلم في المؤتمر ؟ طول ما انا قادر هبقى موجود وملتزم مع الزمالك وهحارب للزمالك لاني عمري ما استسلم ، طول ما التوفيق معانا هنفضل نحارب ، كل مره أقع فيها بعد كده متقلقوش عليا “.

وشدد :”اللعيبه الجديده لسه مدخلتش في المجموعه ، هما اتنين بس ولسه باقي اللعيبه مش متواجدين ، ولسه هنشتغل معاهم ونعرفهم الشغل بتاعهم ، لكن من الاسامي الصفقات الجديده على مستوى عالي ، اللي يلعب مع فريق بطل لازم يشتغل كتير عشان يعرف يلعب معانا”.

وأتم :”مش هقدر احدد موقفي من المنافسة على لقب دوري الابطال احنا لسة في بداية المشوار ولكن طبيعي عندنا الأمل.. عندنا أساس نبني عليه وعندنا فريق قوي قدر يكسب الدوري والكاس ولما الصفقات الجديدة تدخل مع الموجودين هيزيد من قوة الفريق .. زي ما انتوا عارفين اننا بطل الدوري واي لاعب يدخل على المجموعة دي لازم يشتغل كويس عشان يحجز مكان ، أي لاعب في العالم لما بيستهون بأي مباراة مش بيؤدي بنفس المستوى”.