سر كتابة اسم نادية الجندى قبل عادل إمام فى «خمسة باب»
سر كتابة اسم نادية الجندى قبل عادل إمام فى «خمسة باب»
كشفت الفنانة نادية الجندي، حقيقة حصول الفنان عادل إمام على ضعف أجره مقابل أن يكتب اسمها قبل اسمه في فيلم «خمسة باب».
وقالت نادية الجندي، خلال لقاءها ببرنامج «حبر سري»، المذاع عبر فضائية «القاهرة والناس»، الذي تقدمه الإعلامية أسما إبراهيم، أن هذا الكلام ليس له أي أساس من الصحة، معقبة: «اشتغلت أنا وعادل إمام بحب جدًا، ولا فرق معانا مين اسمه انكتب الأول».
أسرار و مفاجآت في فيلم «خمسة باب»
وأضافت: «تصدقي إنه ساعات ما بيبقاش عنده تصوير، ويجي يقعد معانا في البلاتوه، نقوله يا عادل، إنت معندكش النهاردة، يقول معلش أصل وحشتوني، وأنا جاي أقعد معاكم أتسلى، من كتر ما كان فيه بينا حب وود أنا وهو والعظيم الراحل فؤاد المهندس».
وتابعت: «فيلم خمسة باب اتعمل بحب غير طبيعي، وعشان كدة طلع بالجمال ده»، مشيرة إلى أنه أسرع فيلم تم تصويره، حيث تم تصويره في شهر ونصف فقط، معقبة: «كل اللي كانوا في الفيلم بيحبوا بعض، كنا نروح التصوير كأننا طالعين رحلة».