سبب «زعل» أمل ابراهيم من فاتن حمامة
سبب «زعل» أمل ابراهيم من فاتن حمامة
أوضحت الفنانة أمل إبراهيم، سبب زعلها من الفنانة فاتن حمامة في مسلسل "ضمير أبلة حكمت"، قائلة:"معجبتش المخرجة، لأن مدام فاتن قالت لها إزاي تلبس منديل بأويه وإزاي تلبس اللبس ده".
وأضافت الفنانة أمل إبراهيم ، خلال لقائها ببرنامج واحد من الناس، المذاع عبر فضائية الحياة اليوم، الذي يقدمه الإعلامي عمرو الليثي: "شافتني مدام فاتن، ونادتني، قالتلي، إنتي تعالي، قولتلها"نعم"، قالتلي "مين لبسك اللبس ده؟", قولتلها:"أنا"، قالتلي "جايباه منين؟"، قولت لها:"من البيت"، قالتلي:"محبس حد معايا يلبس اللبس ده"، قولتله:"ده الدور يا مدام فاتن"، قالتلي: "أيوه الدور، بس أنا فاتن حمامه، وأنا إللي بقول كل حاجه"، فقولت للمخرجة:" قالتلي أيوه لازم نسمع كلامها".
وعقبت الفنانة أمل ابراهيم على حديث الفنانة فاتن حمامة معها، قائلة:" قوليلي الملحوظة، لكن مش لازم تفتحي الكرباج كده"، قالتلي: "تعالي يمين شوية، روحي شمال شوية، وأنا حاضر".
وتابعت: "خلي بالك أنا عندي طولة بال لكن بحدود"، واردفت:"رجعت قالتلي ارجعي تاني شوية عند المكان اللي بدأتي منه، قولتلها كم سم؟، قالتلي 2 أو 4 سم، قولتلها طب هاتي المسطرة عشان أقيس، قالتلي انتي بتتريقي؟ قولتلها لا لسمح الله، أنا جايه لشغل، مش عايزاني، قوليلي مش عايزاني، وبعدين قعدت قولت لنفسي يابت ملكيش نصيب فيه، وصورت مشهد واحد، وذاعته،، طب ذعتيه ليه لما أنا مش عجباكي، ومش مؤمنة بيا".
وعقب على حديثها الإعلامي عمرو الليثي:"زعلانة إنتي من مدام فاتن؟!", قالت له:"زعلانه أوي، عشان كدة بطلت أتفرج عليها".
وطلب منها الإعلامي عمرو الليثي أن تسامح الفنانة فاتن حمامة، قائلة:"سامحي يا مدام أمل عشان ربنا يسامحك", ردت:"سامحتها ومن قلبي، أنا بقول يارب سامحني إن أسأت إليك في شيء، وإن أسأت لأي بني آدم إنت خلقه في شيء".
