نهاد أبو القمصان: ثقافة الخوف من الحسد أهم أسباب ارتفاع نسب الطلاق
نهاد أبو القمصان: ثقافة الخوف من الحسد أهم أسباب ارتفاع نسب الطلاق
قالت المحامية والكاتبة نهاد أبو القمصان، رئيس المركز المصري لحقوق المرأة، إن كثرة الحديث عن ارتفاع نسب الطلاق في مصر أمر طبيعي، خاصًة مع انتشار ثقافة الخوف من الحسد لدى المصريين.
وأضافت أبو القمصان، خلال لقاائها ببرنامج "السفيرة عزيزة" المذاع عبر فضائية "dmc": "محدش بييجي يقولك أنا حياتي جميلة، هو مؤمن بثقافة الحسد، وناسيين ثقافة وأما بنعمة ربك فحدث".
وأردفت: "الحياة الخاصة مينفعش تبقى مطروحة، لكن ثقافة الشكوى وإنك تقعدي مع أي حد يشتكي، كل واحد عنده تحديات وصعوبات كلنا بنقابلها، البعض عنده مشكلة في ضيق الرزق والفقد، كلنا عندنا ده".
سبب تأليف نهاد أبو القمصان لكتابها حكابات حب
وعن حياتها الخاصة، قالت ابو القمصان: "معرفش أعيط قدام حد مهما كان الموقف صعب، معرفش أتكلم مع حد في مشاكلي، مشاكلي تخصني أنا بس، كنت أناقشها مع زوجي، لأننا كنا أصحاب، ولما توفي بدأت أكتب على الورق، فلما ينتي شافتها، قالت إنها مهمة ولازم تعملها كتاب".
وأردفت: " طول عمري شايفة إني شخص عادي وجوزي شخص عادي، لكن بنتي لما شافتها قالت إنه لازم يتنشر، لما بدأت أكتب على السوشيال الناس بتعلق وكأنها حالة غير موجودة في الدنيا، الناس بتعلق لدرجة، رجل يقول مراتي بقت أهدى لما بدأت تقرالك، وواحدة تقولي جوزي بقى يتصرف زي جوزك، وقالوا لي حطيه في كتاب، فعملت كتاب حكايات الحب".
