الرئيس السيسى: عايزين البلد دى تطلع لقدام لازم كلنا نقف نحشد ونشتغل
الرئيس السيسى: عايزين البلد دى تطلع لقدام لازم كلنا نقف نحشد ونشتغل
قال الرئيس عبدالفتاح السيسي: اوعوا تفتكروا حد بينجح في الثانوية العامة ويجيب 90% كده، لازم يذاكر ويشقى ويتحرم من الراحة وكل حاجة عشان يجيب النتيجة دي، عايزين البلد دي تطلع لقدام لازم كلنا مع بعض كده نقف نحشد ونشتغل.
وأضاف الرئيس السيسي، خلال كلمته بالجلسة الختامية للمؤتمر الاقتصادي– مصر 2022، اليوم الثلاثاء: "لما اتكلمت عن الرصيد الشعبي محدش استوعب الفكرة، أنا بعتبر الرصيد الشعبي حشد لمسار أستفيد منه، واعتبرت مسار الحرب العالمية التانية لدولة ما الناجم عن ممارسة شعب لدمار حصل فيه استخدموا الرئيس اللي مسك الحكم كمسار فكري لبناء الدولة وتحمل تبعات البناء".
وتابع: "هو استفاد من وجود بناء تراكمي في وجدان المجتمع ده، اللي اتضرب بعد ما كان دولة كبيرة جدًا، ونجح، مقالش طب بيضة في الأسبوع ولا رغيف في اليوم، عايزين تخلوها بلد زي الفل".
وأردف: "أنا بسمع عن البلد دي من 50 سنة من أيام ما كان هيكل بيكتب في الجريدة كل يوم جمعة، وبالتالي كان السياق الفكري للدولة ماشي في مكانه، وفكرة الرصيد أنه يستخدم كأداة لتحقيق أهداف يصعب تنفيذها، والجيل اللي كان موجود في 2011 و2012 و2013 وكان عنده 10 سنين وقتها بقى عنده 20 سنة دلوقتي، وميعرفش التجربة المريرة اللي أنا كنت شايف أنها هتنتهي في خلال 10 سنين لما الشباب يكبر".
وواصل: "أنا مش عايزك تبقى معايا، أنا عايزك مع الحق، والفهم الرشيد، والدروس اللي شوفناها في تاريخنا هي أننا نردد ما يقوله الآخرين".
