«درة» ترد على تصريحات هبة قطب «الست غير ملزمة بخدمة زوجها»
«درة» ترد على تصريحات هبة قطب «الست غير ملزمة بخدمة زوجها»
علقت الفنانة التونسية درة على تصريحات الدكتورة هبة قطب، بشأن أن الست غير ملزمة بخدمة زوجها ورعاية منزلها، قائلة: "مواضيع شائكة، كل واحد حر في حياته وحر في بيته، مينفعش نصدر قواعد وقوانين ونفرضها على كل الناس".
وأضافت "درة" خلال لقائها ببرنامج حبر سري، المذاع عبر فضائية "القاهرة والناس"، الذي تقدمه الإعلامية أسما إبراهيم: "إيه المانع إن الست تسعد زوجها وتعمل اللي يريحه وتهتم بيه، لكن في نفس الوقت هي محتفظة بكيانها وشخصيتها، ومتكونش دي كل شغلانتها الوحيدة، لكن ده مملكتها ومسئوليتها كمان، ولو عندها أولاد فطبيعي تراعي أولادها وتربيهم، دي حجات بديهية".
وتابعت: "ملزمة، إزاي غير ملزمة.. ممكن لو تعبانة متعملش، مش اللي هو مجبرة تعمل تحت أي ظروف، الموضوع مش قهر وإجبار".
وأردفت: "لازم الست تعمل ده وهي عايزاه، مش وهي مضطرة لأنه مش استعباد".
هل درة ست بيت شاطرة؟
ووجهت الإعلامية أسما إبراهيم سؤالا للفنانة درة:"هل درة ست بيت شاطرة ولا لا؟"، لتجيب درة: "بحب بيتي، وبحب يكون منظم ومرتب ونظيف، وأفكر في نوع الأكل اللي هينطبخ، لكن مش شرط أنا اللي أطبخ، بالعكس أنا مابطبخش كتير".
آخر طبخة لدرة
وعن آخر طبخة طبختها درة، قالت:"ليه الإحراج ده؟ أنا مش فاكرة، بس أنا بحب أعمل الأكلات الخفيفة زي الباستا والباستا بالجمبري بعملها تحفة، لكن الأكلات المصري بحب أكلها، لكن بيكون لها طباخة هي اللي بتعرف تعملها أكتر".