كشف أحمد شوبير الإعلامي بقنوات أون تايم سبورتس عن تفاصيل حديث أحد لاعبي الزمالك قبل مباراة السوبر المصري التي جمعته بالنادي الأهلي في الإمارات.
وكان النادي الأهلي قد حقق الفوز على الزمالك بهدفين دون رد وتوج ببطولة السوبر المصري في المباراة التي أقيمت على ستاد هزاع بن زايد بمدينة العين الإماراتية يوم الجمعة الماضي.
وقال شوبير خلال حديثه عبر إذاعة أون سبورت صباح اليوم الأحد: "هقولكم كلام من داخل معسكر الزمالك اهم ما كان يميز الزمالك هو التركيز الشديد في المباريات لكن ما قاله فيريرا اللي بيمتاز جدا بالشحن النفسي للاعبين كان له دور كبير جدا في إخراج لعيبة الزمالك من الحالة النفسية والذهنية اللي بيعشوا عليها".
وأضاف: "في احد اللاعبين في نادي الزمالك له صداقات مع بعض من الإعلاميين.. إعلامي أهلاوي بيتكلم معاه قاله انت جاي ليه السوبر عندنا في الزمالك خلصان متتعبوش قلبكم الزميل الإعلامي وهو بيحكيلي قاله دي كرة قدم وده النادي الأهلي قاله لا ده كان زمان ده عصر الزمالك دي مش ثقة دي غرور الثقة الزايدة المبالغ فيها اللي بتنقلب ضدها وده ما حدث في المباراة نفسها".
وأكمل: "على الجانب الاخر الأهلي كان عنده حالة من التركيز الشديد والوعي والادراك لو الأهلي كان خسر هذا اللقاء كان هيبقى تداعياته صعبة جدا".
وواصل: "فيريرا قبل المباراة قال السوبر بيتلعب بين بطل الدوري والكاس واحنا ابطال البطولتين هو كان يتصور انه بيضغط على النادي الأهلي لكنه حفز النادي الاهلي اكتر تصريحات مليئة بالغرور وعدم الاحترام للمنافس خلينا نحط الامور في نصابها وبعد ما خسر كان تصريحاته عجيبة جدا اول مرة في تاريخ كرة القدم مدرب يقولك الجول التاني مش محسوب ليه هي الفورة كانت من 1 ياعم فيريرا مثلا ولا ايه؟ كنا متفقين اللي يجيب جول يكسب".
وأتم شوبير حديثه: "قالك اصل احنا كنا بنهاجم وكان في اتنين مدافعين بس ولما رجعنا الكورة لقينا ان كان في 7 من مدافعي الزمالك انا شايف ان الزمالك هيلعب مع إنبي وهو المرشح الاكبر للفوز على إنبي والدنيا هتتظبط معاه شوية لكن طريقة دخول اللاعبين الجدد مكانتش مريحة بطريقة او باخرى".