الرفيق الراحل.. الزعيم د. جون قرنق
نضال عبد الوهاب
بعد معركة بور مايو 1983، مشينا جلسنا في الحدود مع إثيوبيا، نناقش المشكلة شنو من شهر 5 لي 7 في حوار مع أنفسنا. في تيار كان بشوف الانفصال والاستقلال للجنوب هو الحل، كانوا بيمثلوه اكواد اتيم وقاي توت وليم عبد الله شول وآخرين. وفي تيار كان بتكلم عن سودان جديد، نحن جربنا موضوع الانفصال دا وما نفع.
أصل المشكلة هو الظُلم، نحله في إطار سودان موحد أفضل من سودان مقسم، خاصة الناس التعبانين في كل السودان حتى الخرطوم ذاته. مشيت الشرق البجا بعانوا وتعبانين أكتر من الجنوب ذاته، وكذلك الفونج الكرمك والقيسان والوطاويط والبرتا في جنوب النيل الأزرق ديل ناس تعبانين خالص. حتى الناس تعاني في الجزيرة، المزارعين مثلاً، وفي دارفور والغرب، وحتى في الشمال في أصل الحضارة في مروي برضو بعانوا.
عشان كدا نحن شخصنا المشكلة قبل الحل بتاعه، ولقينا المشكلة في الظلم والمعاناة والحل في السودان الجديد الموحد. الثورة الأمريكية في حرب الاستقلال عملوا مقاومة ضد بريطانيا، وكذلك الثورة الفرنسية كلهم بتكلموا عن العدالة والمساواة لكل الناس والمظلومين، وعملت ليها في ظل الوحدة.
* الوحدة مبدأ فوق دستوري
