تحدثت‏ ‏الأسبوع‏ ‏الماضي‏ ‏عن‏ ‏محاولات‏ ‏اختطاف‏ ‏وتسييس‏ ‏قمة‏ ‏المناخ‏ ‏في‏ ‏شرم‏ ‏الشيخ‏ ‏والقفز‏ ‏علي‏ ‏أجندتها‏ ‏بالزج‏ ‏بملف‏ ‏حقوق‏ ‏الإنسان‏ ‏في‏ ‏مصر‏ ‏سعيا‏ ‏وراء‏ ‏الضغط‏ ‏علي‏ ‏النظام‏ ‏المصري‏ ‏ـ‏ ‏أمام‏ ‏دول‏ ‏العالم‏ ‏ـ‏ ‏للإفراج‏ ‏عن‏ ‏سجناء‏ ‏وصفوهم‏ ‏بالسياسيين‏ ‏أو‏ ‏بسجناء‏ ‏الرأي‏, ‏بينما‏ ‏هم‏ ‏مدانون‏ ‏من‏ ‏جانب‏ ‏القضاء‏ ‏المصري‏… ‏وأشرت‏ ‏بمزيد‏ ‏من‏ ‏مشاعر‏ ‏التقدير‏ ‏والاحترام‏ ‏للحنكة‏ ‏والحكمة‏ ‏التي‏ ‏تحلي‏ ‏بها‏ ‏النظام‏ ‏المصري‏ ‏في‏ ‏التعامل‏ ‏مع‏ ‏مؤامرة‏ 11/11 ‏بعدما‏ ‏ثبت‏ ‏ضلوع‏ ‏المخابرات‏ ‏الأمريكية‏ ‏وراءها‏, ‏وأن‏ ‏جماعة‏ ‏الإخوان‏ ‏المسلمين‏ ‏وأقطابها‏ ‏خارج‏ ‏مصر‏ ‏ليست‏ ‏سوي‏ ‏مخلب‏ ‏قط‏ ‏وواجهة‏ ‏بائسة‏ ‏لتلك‏ ‏المؤامرة‏, ‏فكان‏ ‏أن‏ ‏أحجمت‏ ‏مصر‏ ‏عن‏ ‏الانزلاق‏ ‏نحو‏ ‏الصراخ‏ ‏والعراك‏ ‏مع‏ ‏أمريكا‏ ‏واستقبلت‏ ‏بكل‏ ‏هدوء‏ ‏وثقة‏ ‏رئيسها‏ ‏جو‏ ‏بايدن‏ ‏في‏ ‏زيارته‏ ‏التي‏ ‏كان‏ ‏محددا‏ ‏لها‏ ‏نفس‏ ‏تاريخ‏ 11/11, ‏بعد‏ ‏أن‏ ‏تراجع‏ ‏عن‏ ‏فصول‏ ‏المؤامرة‏ ‏واستبدلها‏ ‏بالإشادة‏ ‏بمصر‏ ‏ودورها‏ ‏وثقلها‏ ‏في‏ ‏المنطقة‏ ‏وعلي‏ ‏المسرح‏ ‏العالمي‏.‏
اليوم‏ ‏أجدني‏ ‏مدفوعا‏ ‏بكل‏ ‏الاعتزاز‏ ‏والفخر‏ ‏لتسجيل‏ ‏وتوثيق‏ ‏كلمة‏ ‏الرئيس‏ ‏السيسي‏ ‏التي‏ ‏أدلي‏ ‏بها‏ ‏في‏ ‏جلسة‏ ‏محاكاة‏ ‏مجلس‏ ‏حقوق‏ ‏الإنسان‏ ‏بمنتدي‏ ‏الشباب‏ ‏العالمي‏ ‏الذي‏ ‏عقد‏ ‏في‏ ‏يناير‏ ‏الماضي‏ ‏بشرم‏ ‏الشيخ‏, ‏لأنها‏ ‏تمثل‏ ‏صفعة‏ ‏قاسية‏ ‏علي‏ ‏وجوه‏ ‏جميع‏ ‏الكيانات‏ ‏التي‏ ‏لا‏ ‏هم‏ ‏لها‏ ‏سوي‏ ‏محاولة‏ ‏الإيقاع‏ ‏بمصر‏ ‏وإحراجها‏ ‏بالتشدق‏ ‏بملف‏ ‏حقوق‏ ‏الإنسان‏ ‏المصري‏, ‏بينما‏ ‏هي‏ ‏مغيبة‏ ‏عن‏ ‏ضلوعها‏ ‏في‏ ‏أسوأ‏ ‏الموبقات‏ ‏وفي‏ ‏ازدواج‏ ‏المعايير‏ ‏وفي‏ ‏الكيل‏ ‏بمكيالين‏… ‏الأمر‏ ‏الذي‏ ‏بات‏ ‏مفضوحا‏ ‏في‏ ‏كافة‏ ‏معايير‏ ‏السياسة‏ ‏الدولية‏… ‏وهذه‏ ‏هي‏ ‏كلمة‏ ‏الرئيس‏ ‏السيسي‏, ‏أنقلها‏ ‏بلغتها‏ ‏العامية‏ ‏الصادرة‏ ‏من‏ ‏العقل‏ ‏والقلب‏ ‏معا‏:‏
‏** ‏إنتوا‏ ‏بتصرخوا‏ ‏من‏ ‏عشرة‏ ‏آلاف‏ ‏وعشرين‏ ‏ألف‏ ‏لاجئ‏ ‏ورفضتم‏ ‏تستقبلوهم‏ ‏وشحنتوهم‏ ‏لبلادهم‏ ‏وسبتوهم‏ ‏يواجهوا‏ ‏مصيرهم‏ ‏المجهول‏.. ‏بينما‏ ‏إحنا‏ ‏دولة‏ ‏علي‏ ‏أدها‏ ‏في‏ ‏الإمكانيات‏, ‏ومع‏ ‏ذلك‏ ‏استقبلنا‏ ‏أكثر‏ ‏من‏ 6 ‏مليون‏ ‏بني‏ ‏آدم‏ ‏من‏ ‏جميع‏ ‏أرجاء‏ ‏العالم‏ ‏ولم‏ ‏نمنع‏ ‏أي‏ ‏إنسان‏ ‏طلب‏ ‏القدوم‏ ‏إلينا‏, ‏وما‏ ‏حطيناهمش‏ ‏في‏ ‏معسكرات‏ ‏بل‏ ‏حتي‏ ‏رفضنا‏ ‏نسميهم‏ ‏لاجئين‏ ‏وخليناهم‏ ‏عاشوا‏ ‏معانا‏.. ‏الناس‏ ‏دول‏ ‏موجودين‏ ‏في‏ ‏مجتمعنا‏ ‏بيشتغلوا‏ ‏وبياكلوا‏ ‏ويشربوا‏ ‏ويتعلموا‏ ‏ويتعالجوا‏ ‏واندمجوا‏ ‏وسط‏ ‏شعبنا‏ ‏وحصلوا‏ ‏علي‏ ‏كافة‏ ‏حقوق‏ ‏المصريين‏ ‏من‏ ‏علاج‏ ‏وتعليم‏ ‏ورعاية‏ ‏صحية‏ ‏وسكن‏.. ‏ما‏ ‏اتكلمناش‏ ‏ولا‏ ‏اشتكينا‏ ‏ولا‏ ‏رفضنا‏ ‏دخولهم‏ ‏بلدنا‏ ‏ولا‏ ‏سيبناهم‏ ‏يواجهوا‏ ‏المخاطر‏ ‏ولا‏ ‏دفعناهم‏ ‏للموت‏ ‏والغرق‏ ‏في‏ ‏المتوسط‏ ‏عشان‏ ‏يجولكم‏ ‏في‏ ‏أوروبا‏.. ‏عملنا‏ ‏ده‏ ‏من‏ ‏غير‏ ‏مانتكلم‏ ‏وبتواضع‏.‏
ياتري‏ ‏هما‏ ‏ملايين‏ ‏اللاجئين‏ ‏إللي‏ ‏مرميين‏ ‏علي‏ ‏حدود‏ ‏الدول‏ ‏وداخلها‏ ‏في‏ ‏مخيمات‏ ‏بقالهم‏ ‏عشر‏ ‏سنين‏ ‏دول‏ ‏مالهمش‏ ‏حق‏ ‏في‏ ‏الحياة؟‏.. ‏مالهمش‏ ‏حقوق‏ ‏إنسان؟‏.. ‏وياتري‏ ‏أخدتوا‏ ‏بالكم‏ ‏من‏ ‏نتايج‏ ‏إللي‏ ‏حصل‏ ‏ده‏ ‏ونتايج‏ ‏الإقامة‏ ‏في‏ ‏معسكرات‏ ‏لاجئين‏ ‏لمدة‏ ‏عشر‏ ‏سنين؟‏.. ‏يعني‏ ‏الطفل‏ ‏والطفلة‏ ‏إللي‏ ‏كان‏ ‏عندهم‏ 7 ‏أو‏ 8 ‏سنين‏ ‏بقوا‏ ‏شباب‏ ‏دلوقتي‏, ‏ياتري‏ ‏دول‏ ‏مصيرهم‏ ‏إيه‏ ‏وحقوقهم‏ ‏إيه؟‏.. ‏إنتم‏ ‏في‏ ‏الغرب‏ ‏دول‏ ‏مستقرة‏ ‏وعددكم‏ ‏مازادش‏ ‏من‏ ‏أكثر‏ ‏من‏ 50 ‏سنة‏, ‏وليكم‏ ‏نظامكم‏ ‏السياسي‏ ‏إللي‏ ‏مقتنعين‏ ‏بيه‏ ‏وارتضيتوه‏ ‏لنفسكم‏, ‏بس‏ ‏المشكلة‏ ‏إنكم‏ ‏عايزين‏ ‏تفرضوه‏ ‏علينا‏ ‏وعلي‏ ‏العالم‏ ‏دون‏ ‏دراية‏ ‏بظروف‏ ‏كل‏ ‏بلد‏ ‏أو‏ ‏حال‏ ‏كل‏ ‏مجتمع‏ ‏مختلف‏ ‏عنكم‏, ‏مع‏ ‏إن‏ ‏التنوع‏ ‏والاختلاف‏ ‏ده‏ ‏سنة‏ ‏كونية‏ ‏وماينفعش‏ ‏نخلي‏ ‏العالم‏ ‏كله‏ ‏يتكلم‏ ‏لغة‏ ‏واحدة‏ ‏أو‏ ‏يفكر‏ ‏بطريقة‏ ‏واحدة‏..! ‏أنا‏ ‏مش‏ ‏بقول‏ ‏كده‏ ‏للترويج‏ ‏لحاجة‏ ‏أو‏ ‏للدفاع‏ ‏عن‏ ‏حاجة‏, ‏ده‏ ‏واقع‏ ‏الدنيا‏ ‏كلها‏ ‏عايشاه‏ ‏وموجودة‏ ‏فيه‏, ‏وحقوق‏ ‏الإنسان‏ ‏لا‏ ‏تقتصر‏ ‏علي‏ ‏جانب‏ ‏واحد‏ ‏من‏ ‏مناحي‏ ‏الحياة‏.‏
إللي‏ ‏بتعملوه‏ ‏ده‏ ‏اسمه‏ ‏استعلاء‏, ‏والاستعلاء‏ ‏ده‏ ‏مش‏ ‏بس‏ ‏بالقوة‏ ‏والقدرة‏ ‏لكنه‏ ‏كمان‏ ‏استعلاء‏ ‏بالممارسة‏ ‏ومحاولة‏ ‏فرض‏ ‏النموذج‏ ‏ونمط‏ ‏الحياة‏ ‏والحكم‏, ‏ورغم‏ ‏كده‏ ‏عندما‏ ‏جاءت‏ ‏الجائحة‏ ‏اكتشفتم‏ ‏القصور‏ ‏في‏ ‏نظامكم‏ ‏الصحي‏ ‏إللي‏ ‏عجز‏ ‏عن‏ ‏المواجهة‏.‏
هي‏ ‏الصراعات‏ ‏والحروب‏ ‏إللي‏ ‏حصلت‏ ‏في‏ ‏منطقتنا‏ ‏ودمرت‏ ‏كل‏ ‏الدول‏ ‏إللي‏ ‏حوالينا‏ ‏ولم‏ ‏ينج‏ ‏من‏ ‏شرها‏ ‏غير‏ ‏مصر‏ ‏وتسببت‏ ‏في‏ ‏تشريد‏ ‏وتهجير‏ ‏كل‏ ‏تلك‏ ‏الملايين‏ ‏من‏ ‏البشر‏ ‏حول‏ ‏العالم‏, ‏كل‏ ‏الكوارث‏ ‏دي‏ ‏مين‏ ‏كان‏ ‏سببها؟‏.. ‏مين‏ ‏إللي‏ ‏هدم‏ ‏الدول‏ ‏دي‏ ‏وتآمر‏ ‏عليها‏ ‏وضرب‏ ‏ودمر‏ ‏وخرب‏ ‏بلاد‏ ‏كانت‏ ‏آمنة‏ ‏ومستقرة‏ ‏تحتوي‏ ‏شعوبها‏ ‏علي‏ ‏أرضها؟‏.. ‏من‏ ‏إللي‏ ‏انتهك‏ ‏حقوق‏ ‏الإنسان‏ ‏في‏ ‏الدول‏ ‏والمجتمعات‏ ‏دي؟‏.. ‏وبعدين‏ ‏جايين‏ ‏تحاسبونا‏ ‏إحنا‏ ‏علي‏ ‏حقوق‏ ‏الإنسان؟‏.. ‏عن‏ ‏أي‏ ‏حقوق‏ ‏بتتكلموا‏ ‏وأي‏ ‏إنسان‏ ‏تقصدوا؟‏.. ‏هو‏ ‏مفيش‏ ‏حقوق‏ ‏إنسان‏ ‏غير‏ ‏حقه‏ ‏في‏ ‏التعبير‏ ‏وحقه‏ ‏في‏ ‏الديموقراطية؟‏.. ‏طيب‏ ‏ما‏ ‏أنتم‏ ‏شايفين‏ ‏القيادات‏ ‏إللي‏ ‏بتتناحر‏ ‏مع‏ ‏بعض‏ ‏حول‏ ‏العالم‏ ‏عشان‏ ‏السلطة‏, ‏حد‏ ‏فكر‏ ‏في‏ ‏حق‏ ‏شعوبهم‏ ‏في‏ ‏حياة‏ ‏آمنة‏ ‏مستقرة‏ ‏بعيدا‏ ‏عن‏ ‏صراعات‏ ‏التكالب‏ ‏علي‏ ‏السلطة؟‏!!‏
‏*** ‏قبل‏ ‏أن‏ ‏أطوي‏ ‏هذا‏ ‏الملف‏ ‏عدت‏ ‏إلي‏ ‏حديث‏ ‏الرئيس‏ ‏السيسي‏ ‏في‏ ‏المؤتمر‏ ‏الصحفي‏ ‏الذي‏ ‏جمعه‏ ‏بالإعلام‏ ‏الألماني‏ ‏والدولي‏ ‏أثناء‏ ‏مشاركته‏ ‏في‏ ‏قمة‏ ‏الدول‏ ‏السبع‏ ‏في‏ ‏ألمانيا‏ ‏في‏ ‏يوليو‏ ‏الماضي‏ ‏والذي‏ ‏تناول‏ ‏فيه‏ ‏ذات‏ ‏القضية‏ ‏ملف‏ ‏حقوق‏ ‏الإنسان‏ ‏المصري‏, ‏لأني‏ ‏حرصت‏ ‏علي‏ ‏تسجيل‏ ‏كلمة‏ ‏السيسي‏ ‏الآتية‏ ‏في‏ ‏ختام‏ ‏رده‏ ‏علي‏ ‏أسئلة‏ ‏الإعلام‏:‏
‏** ‏يهمني‏ ‏أوضح‏ ‏أن‏ ‏هذا‏ ‏الأمر‏ ‏إحنا‏ ‏مش‏ ‏مهتمين‏ ‏بيه‏ ‏عشان‏ ‏إنتم‏ ‏بتسألوا‏ ‏عنه‏.. ‏مهم‏ ‏قوي‏ ‏إنكم‏ ‏تعرفوا‏ ‏كده‏.. ‏إحنا‏ ‏مهتمين‏ ‏بيه‏ ‏عشان‏ ‏إحنا‏ ‏بنحترم‏ ‏شعوبنا‏ ‏وبنحبها‏ ‏وده‏ ‏مش‏ ‏كلام‏ ‏مجرد‏, ‏إحنا‏ ‏بنحترم‏ ‏شعوبنا‏ ‏زي‏ ‏ما‏ ‏إنتم‏ ‏بتحترموا‏ ‏شعوبكم‏. . ‏دي‏ ‏مسئوليتنا‏ ‏الأخلاقية‏ ‏والتاريخية‏ ‏والإنسانية‏ ‏تجاه‏ ‏شعوبنا‏.‏