أكد الناخب الوطني وليد الركراكي، أنه أراد عدم احتساب الهدف أمام بلجيكا الذي حمل توقيع حكيم زياش قبل دقيقة من نهاية الشوط الأول، مشيدا بكل لاعبيه الذين وصفهم بـ"العائلة".
وقال الركراكي في الندوة الصحفية التي تلت المواجهة: "اليوم شميت الريحة ديال النية ديال الجمهور والصحفيين، بوطو كدخل وبوطو كتخرج بقاو بالنية وإن شاء أيكون الخير".
وأضاف: "غتقولو أنا حمق، ولكن والله حتى كنت فرحان فش متحسبش الهدف، لأني بلجيكا غدخل فالشوط الثاني بش يماركيو، ونقدرو نخسرو، الحمد الله الهدف جاء فالتوقيت".
وتابع: "ما بين الشوطين هدرنا مزيان، درنا بزاف الأخطاء التقنية، قلتليهم ميمكنش تغلطوا قدام لاعبين كبار عالميا، وكنا مزيانين فالشوط الثاني، عطيتهم عقلية الفوز، وتسنينا الوقت المناسب، برافو للدراري".
وأكمل: "المغاربة تسناو كأس العالم والربح، اللاعبين بغاو يفرحو البلاد، والفرحة مع الجمهور لي جاء من العالم كامل، تتحس فحال العائلة كيف تنقول مع الوداد، ودراري بغاو يدخلو فالتاريخ".
