تحدث علاء ميهوب المحلل بقناة النادي الأهلي عن أداء الفريق الأول لكرة القدم بالقلعة الحمراء في مباراته أمام فاركو والتي أقيمت اليوم الثلاثاء ضمن منافسات الدوري الممتاز.
والتقى الأهلي وفاركو مساء اليوم الثلاثاء ضمن منافسات الجولة الثامنة من بطولة الدوري والتي أقيمت على ستاد برج العرب بمدينة الإسكندرية وانتهت بفوز المارد الأحمر بهدفين مقابل هدف وحيد.
+90 تعود من جديد.. الأهلي يخطف فوز قاتل على حساب فاركو بالدوري
وقال ميهوب عبر قناة الأهلي بعد المباراة: "فوز صعب وسيئ 3 نقاط وتسكت في اسوأ شوط تاني شوفته للأهلي من سنين مش الموسم ده بس.. الشوط التاني دايما عندنا مشكلة بتحصل الاداء بيهبط بطريقة مش طبيعية كمية الجري بتقل بتدي مساحة للفرق المنافسة مش طبيعية وفي اكتر من مباراة دايما كان كل كلامنا بنعلق على الشوط التاني ايه اللي بيحصل انهاردة نفس الكلام".
وأضاف: "مبروك 3 نقاط في أسوأ شوط تاني لعبه النادي الأهلي مع فريق (تعبان جدا) فوق ما تتخيل وفي لعيبة في فاركو ازاي بتلعب كورة وادفع فيها فلوس وعاوزين الكروة في مصر تطور؟.. شوط تاني عليه علامات استفهام كبيرة الشوط الاول 5 انفرادات اهداف مؤكدة مفيش راجل يخلص.. الشوط التاني المفروض تنزل الانفرادات والسيطرة تديك اريحية وتضغط اكتر لأن طبيعي في عالم كرة القدم مفيش فريق هيديلك المساحات بتاعت الشوط الاول ده كان يحصل لو كنت طلعت متقدم 2 او 3/0 كنت هتلاقي الشوط التاني سهل".
وأكمل: "الأخطاء اللي كانت موجودة الشوط الاول فاركو حسنها شوية فطبيعي الأمور بقت صعبة عليك وانت ساعدت فاركو بأدائك السيئ كور طويلة ملهاش لازمة حركة بطيئة حركة من غير كورة تمريرات مقطوعة بدون داعي كل ده هيكسبك ازاي؟.. مفيش حاجة اسمها اجهاد احنا لسة في بداية الموسم كل مدير فني شغله الشاغل ازاي احط ايدي على الاساسيين وبعدين ابدأ ابدل فيهم لو انا مرتاح في النتيجة كابتن شريف بيقولك كولر لسة معرفش اللعيبة طب بيبدل على اي اساس؟ لازم حد يطلع يكلمنا لو معندناش فكرة عن الكورة ايه اللي بيحصل الشوط التاني في النادي الأهلي ايه ده؟".
وواصل: "كل مرة ربنا بيكرمك علشان الناس اللي بتتفرج وبتدعي لكن كل مرة هيحصل كدة؟ لو فاركو عندهم شوية كورة كانوا ممكن يكسبوا الشوط التاني لكن هما معندهمش امكانيات ولا بدنيا ولا عندهم ثقة في نفسهم يهاجموك وانت من الأسوأ للأسوأ مينفعش مينفعش الكلام ده بنقوله خلاص 3 نقاط الحمد لله انت اول الدوري لكن الاداء ده للماتش التالت بالشكل ده هطلع اقول ايه؟ ما لازم اقول اللي شوفته في الملعب مش حاجة تانية".
وأردف: "ايه التأخر الفظيع في التغييرات ده؟ كولر من نوعية المدربين اللي مش بيغير بين الشوطين جماهير الأهلي كلها عارفة كدة إلا لو في حالة اضطرارية التغييرات كلها في الدقيقة 76 وانت متعادل؟ مينفعش بص الملعب ماشي ازاي وفاركو بيعمل ايه لكن الاداء ده اللي سايبه على حسب الظروف مش في كرة القدم".
وأتم علاء ميهوب حديثه: "اه الحمد لله وكسبنا لكن لا لازم حاجات كتير اوي تحصل في النادي الأهلي على اساس انك معود الناس على مكسب واداء مطمئن على الاقل الناس قاعدين قلقانين يجي فينا الجول التاني وكان هيحصل مبروك لكن في كلام كتير لازم يتقال".
