تحدث سيد عبد الحفيظ مدير الكرة بالفريق الأول لكرة القدم بالنادي الأهلي عن المرحلة المقبلة للفريق موجهًا رسالة للأصوات الإعلامية المصرية.
وقال عبد الحفيظ في تصريحات للصفحة الرسمية للنادي الأهلي: "الصوت لازم يبقي موجود صوت المباريات والحماس والدوافع للنادي الاهلي في الفترة الجاية علي المستوي الاعلامي".
وأضاف: "في رجوع شديد اوي حتى في الأمور اللي هي بتدعوا لحيرة والتساؤلات الشديدة يعني المفروض متشغلش بالك بيها لكن في ناس بتاخد مساحة تتكلم في المشاركة ورغم ان دي لايحة، انت بتتكلم علي مزاجك، وانت اول وتاني دوري بتروح افريقيا ممكن التاني ياخد البطولة".
وأكمل: "لكن هنا انت بتدي مساحة كبيرة في الاعلام يتكلموا الرجاء بيتكلموا في احقية ولوائح مع اننا لما لعبنا في النهائي مع الوداد هاتلي قناة واحدة استضافت الأهلي يتكلم".
وأتم عبد الحفيظ حديثه: "لكن الاعلام المصري بيدي مساحة وبنتكلم في حاجة خلصانة انا عارف ان ممكن يبقي في رأي ورأي آخر لكن مش في كل الحالات.. انت بتدي مساحة سلبية مش في وقتها ولا مكانها".
